Kóktemgi egiske kórsetilgen qoldaý azyq-túlik baǵasyna da áser etýi tıis

Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda aldymyzdaǵy kóktemgi egis naýqanyna ázirlik máseleleri qarastyryldy. Osy másele boıynsha baıandama jasaǵan Aýyl sharýashylyǵy mınıstri Aqylbek Kúrishbaevtyń aıtýy boıynsha, bıylǵy jyly elimizdegi jalpy egis alqaby 21,3 mıllıon gektardy quraıdy. Onyń 16,5 mıllıon gektaryna dándi daqyldar, al 1,7 mıllıon gektaryna maıly daqyldar tu­qy­my sińirilmek. Osy rette elimizde qolǵa alynǵan mal sharýa­shy­lyǵynyń jemshóp bazasyn ny­ǵaıtý jónindegi tapsyrmaǵa baı­lanysty jemdi jáne dándi bur­shaq­ty daqyldar egistiginiń alqa­by 94 myń gektarǵa arttyry­la­tyn bolady. Sonymen qatar jem-shóp alqaby kólemin 95 myń gektarǵa kóbeıtý kózdelip otyr. Aýyl sharýashylyǵy mınıstri kóktemgi egis naýqanyna qa­tysatyn qolda bar tehnıkanyń 88 paıyzy ázirlik sapyna qoıyl­ǵandyǵyn málim etti. Bul byl­tyrǵy jyldyń osy kezeńimen salystyrǵanda 2 paıyzǵa arttyq. О́tken jyly elimiz aýa raı­yndaǵy qolaısyzdyqtarǵa qara­mas­tan jańa tehnologııalardy, sonyń ishinde ylǵal saqtaý teh­no­logııalaryn qoldaný nátıje­sin­de eginshilikten edáýir ónim alýǵa qol jetkizgen bolatyn. Bı­ylǵy jyly ylǵal saqtaý teh­no­logııasy qoldanylatyn egis al­qa­bynyń kólemi odan ári art­ty­ry­lyp, jalpy dándi-daqyldar egis­tiginiń jarym-jartysyn, ıaǵnı 8,1 mıllıon  gektardy qura­maq. Al ylǵal saqtaý tehno­lo­gııa­la­ryn qoldanatyn alqap­tar­dyń jalpy kólemi 11,9 mıllıon gek­tardy quraıtyn bolady. Bul bar­lyq egistiktiń 68 paıyzyna shamalas kórsetkish. Sóıtip, ótken jylmen salystyrǵanda osy tehnologııany qoldaný aıasy 650 myń gektarǵa nemese 6 paıyzǵa artatyn bolady. Otyrys barysynda kóktemgi egis naýqanyna qatysatyn aýyl sharýashylyǵy taýar óndirý­shi­lerin tıisti kólemdegi janar-ja­ǵarmaımen qamtamasyz etý má­se­lesi jan-jaqty sóz boldy. Osy boıynsha sóz  alǵan Munaı jáne gaz mınıstri Saýat Myńbaev ja­nar-jaǵarmaımen qamtýdyń ob­lys­tar boıynsha naqty kestesi jasalǵandyǵyn, osyǵan sáıkes 354 mıllıon tonna arzan­da­tyl­ǵan dızel otynyn bólý jos­par­lan­ǵandyǵyn aıtyp ótti. Saýat Myń­baevtyń aıtýynsha, munaı óńdeý zaýyttary dızel otynynyń árbir lıtrin 59 teńgeden bosatatyn bolsa, ol aýyl sharýashylyǵy taýar óndirýshileriniń qolyna 68 teńgeden tıetin bolady. Dızel otynyna bólshek saýdadaǵy qazirgi baǵa ár lıtrge 76 teńgeden keletindigin eskersek, munyń ózi sharýalar úshin edáýir jeńildik ekendigin baıqaýǵa bolady. Otyrysta sóz alǵan «Zarechnoe» tájirıbelik dalalyq sharýa­shy­lyqtyń bas dırektory Valentın Dvýrechenskıı egin sharýa­shy­lyǵy salasyndaǵy jumystardy júzege asyrǵanda nóldik tehno­lo­gııaǵa erekshe mán berýdiń ar­tyq­­shylyqtary týraly áńgime qozǵa­dy. Onyń aıtýynsha osy tehno­logııany paıdalaný nátıjesinde egistiktiń qunarlylyǵyn álde­qaı­da arttyryp, sonyń nátı­jesinde ár gektardan alynatyn ónim berekesin 10 jyldyń ishinde 1,5 paıyzǵa, 20 jyldyń ishinde 2 esege arttyrýǵa bolady. Osyǵan baılanysty Avstralııanyń jáne basqa da elderdiń tájirıbesinen mysaldar keltirildi. Úkimet otyrysyna ınteraktıvti baılanys arqyly qatysyp otyrǵan óńirler basshylarynyń ishinen Almaty oblysynyń ákimi Serik Úmbetov bul tehnologııa­nyń paıdaly jaqtaryn aıtyp, Valentın Dvýrechenskııdiń usy­nys­taryna qoldaý bildirdi. Serik Úmbetov Almaty oblysynda 76 myń gektarǵa atalǵan tehno­lo­gııanyń qoldanylyp, paıdaly jaq­taryn kórsetkendigin málim­dedi. Úkimet otyrysynda atalǵan tehnologııany engizý jóninde tıisti óńirlerde semınarlar ótkizý jóninde uıǵarym jasalyndy. Otyrysty qorytyndylaǵan Kárim Másimov qazirgi málimet­ter­ge qaraǵanda kóktemgi egis naý­qanyna ázirlik jumys­ta­ry­nyń oıdaǵydaı júrgizilip jat­qan­dyǵyn atap kórsetti. Sony­men qatar Úkimet basshysy Aýyl sha­rýashylyǵy mınıstri Aqyl­bek Kúrishbaevqa aýyl sharýa­shy­lyǵy taýaryn óndirýshilerdi sýbsıdııalaý jumystaryn azyq-túlik taýarlarynyń baǵasyn arzandatý sharalarymen baıla­nysta júrgizýdi tapsyrdy. Mu­nyń mánisi kóktemgi egis ju­mys­taryna arzandatylǵan dızel oty­nynyń bólinýi onda óndi­rilgen ónimderdiń baǵasyna áser etip, baǵanyń da arzandaýyna ákelýi tıis. Suńǵat ÁLIPBAI.