Lısenzııa alý úderisteri jeńildeıdi

Keshe Parlament Senatynyń Tóraǵasy Qasym-Jomart Toqaevtyń tóraǵalyǵymen ótken palatanyń kezekti plenarlyq otyrysynda tekseriletin sýbekti­ler­ge qoıylatyn talaptar men ruqsat berýdi ońtaı­lan­dyrýǵa qatysty zań jobalary qaraldy. Atalǵan zańdyq qujattar shaǵyn jáne orta bızneske aı­tar­lyq­taı jeńildikter jasaýdy kózdeıdi. Aldymen depýtattar Parlament Májilisi maquldaǵan kún tártibindegi «Qazaqstan Respýb­lı­kasynyń Azamattyq kodeksine (Erekshe bólim) ózgerister men tolyqtyrýlar engizý týraly» zań jobasyn qarady. Ol boıynsha Májilis depýtaty Muhtar Tinikeev qysqasha baıandama jasady. Artynan qosymsha baıandama ja­saǵan Senattyń Áleýmettik-má­de­nı damý komıtetiniń múshesi Hýsaın Valıev túsinik bere ketti. Zań jobasy qyzmetkerdiń den­saý­lyǵyna keltirilgen zııandy óteý maqsatyn kózdeıdi. Tar­qa­typ aıtqanda, keltirilgen zııan úshin jaýapty dep tanylǵan jumys berýshi kásibi men biliktiligi dál sondaı qyzmetkerdiń ortasha jalaqysynyń mólsherin ulǵaıtqan kezde joǵaltqan ta­by­syn (kirisin) óteý somalaryn qaı­ta esepteý qarastyrylady. Bu­dan basqa bankrottyq salda­ry­nan taratylǵan zańdy tulǵa­lar­dyń ómiri men densaýlyǵyna keltirilgen zııandy óteý jónin­degi kapıtaldandyrylǵan tólem­der­di alǵan qyzmetkerlerge ja­syn shektemeı memlekettiń aı saıynǵy tólemderdi júzege asy­rýy kórinis tapqan. Densaý­ly­ǵy­na zııan keltirilýine jáne zardap shegýshiniń qaıtys bolýyna baı­lanysty tutyný baǵalar ındeksine proporsıonaldy túrde ta­ǵaı­yn­dalǵan, joǵaltqan tabysyn (kirisin) óteý somalaryn ındeksteý jó­nindegi normalardy belgileý bó­liginde ózgerister men to­lyq­ty­rý­lar engizý de usynyldy. Senatorlar atalǵan zańdyq qu­jat­ty birinshi oqylymda ma­qul­daı oty­ryp, kún tártibine qaıta engizý ar­qy­ly ekinshi oqylymda qabyldady. Ruqsat berý júıesin jetildirý máseleleri boıynsha keıbir zańnamalyq aktilerge ózgerister men tolyqtyrýlardy kózdeıtin zań jobasy boıynsha baıandama­ny Ekonomıkalyq damý jáne saýda mınıstri Janar Aıtjanova jasady. Belgili bolǵanyndaı, barlyq ruqsat berý qujattary aıtarlyqtaı qysqaratyny qaras­tyrylyp otyr eken. Lısenzııalaý boıynsha qor­sha­ǵan ortany qorǵaý jáne aýyl sharýashylyǵy sýbektileriniń aıasyn azaıtý da nazardan tys qalmaǵan. Buryndary lısenzııa alý úshin alty memlekettik or­gan­ǵa barý kerek bolsa, endi bir memlekettik organnan lısenzııa alýǵa jaǵdaı jasalmaq. Usy­nyl­ǵan qujattardy tekserý 2-5 kún ishinde júzege asatyn bolady, jetispegen qujat boıynsha habarlaý da mindettelip otyr. Ár­bir resmı qujatty notarıaldyq kýálandyrý da qajet dep ta­byl­maıdy. Ol úshin tek túpnusqa men notarıaldyq kýálandyrylǵan qu­jat kórsetilse bolǵany. Lı­sen­zııalaýdyń ortaq merzimi de 1 aıdan 15 kúnge deıin qysqarmaq. Jalpy, zań jobasymen 54 zańnamalyq aktige, onyń ishinde 5 kodeks pen 49 zańǵa ózgerister men tolyqtyrýlar engizilgen. Zań jobasy boıynsha senatorlar Svetlana Jalmaǵambetova men Edilbaı Imanqulov jáne Baýyr­jan Muhamedjanov óz pikirlerin bildirip, suraqtaryn qoıdy. Sóıtip, zańdyq qujat birinshi oqylymda maquldandy. Ýákiletti memlekettik organdar men Úkimettiń tekseriletin sýbektilerge qoıylatyn talap­tar­dy belgileıtin normatıvtik quqyqtyq aktilerdi qabyldaý qu­zyretterin qaıta qaraý máseleleri boıynsha keıbir zańnamalyq aktilerge ózgerister men tolyq­ty­rýlar engizý jónindegi zań jo­ba­sy birinshi oqylymda biraýyzdan qoldaý taýyp, maquldandy. Zań jobasymen bızneske qoıylatyn talaptardy zańdyq turǵydan Prezıdent Jarlyǵy men Úkimet qaýlysy deńgeıinde belgileý kózdelgen. Osyǵan oraı tekseriletin sýbektilerge qoıylatyn ta­­lap­tardy belgileıtin norma­tıv­­tik-quqyqtyq aktilerdi qa­byl­daý memlekettik organdar quzyretinen alynyp otyr. Jeke jáne zańdy tul­ǵalar qyzmetine elimiz zań­dary­men, Prezıdent jarlyq­tary­men, Úkimet qaýly­lary­men talaptar belgileý bar­lyq múd­deli tulǵalarǵa aqpa­rat­tyq-qu­qyq­tyq resýrstar, onyń ishinde ınternet-resýrstar arqy­ly normatıvtik quqyqtyq aktilerge erkin qol jetkizýge jol ashady dep kútilýde. Jalpy sany 5 kodeks pen 42 zańǵa ózgerister men to­lyqtyrýlar engizý josparlanǵan. Sondaı-aq, jalpy otyrysta «Qazaqstan Respýblıkasynyń keı­bir zańnamalyq aktilerine norma shyǵarmashylyq qyzmetti jetildirý máseleleri boıynsha ózgeris­ter men tolyqtyrýlar engizý tý­raly» zań jobasy da qoldaý tapty. Atalǵan zańdyq qujattyń qabyldanýy eki palata arasyn­daǵy kelispeýshilikterdi eńserý jónindegi kelisý komıssııasynyń usynystary arqyly júzege as­qanyn aıta ketý kerek. Asqar TURAPBAIULY.