2010 jylǵy 15 jeltoqsan Astana, Úkimet Úıi
Qazaqstan Respýblıkasynda órt qaýipsizdigi salasyndaǵy qaterlerdi táýelsiz baǵalaý júrgizý erejesin bekitý týraly
«О́rt qaýipsizdigi týraly» Qazaqstan Respýblıkasynyń 1996 jylǵy 22 qarashadaǵy Zańyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynda órt qaýipsizdigi salasyndaǵy qaterlerdi táýelsiz baǵalaýdy júrgizý erejesi bekitilsin.
2. Osy qaýly 2011 jylǵy 9 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2010 jylǵy 15 jeltoqsandaǵy №1367 qaýlysymen bekitilgen
Qazaqstan Respýblıkasynda órt qaýipsizdigi salasyndaǵy qaterlerdi táýelsiz baǵalaýdy júrgizý erejesi
1. Osy Qazaqstan Respýblıkasynda órt qaýipsizdigi salasyndaǵy qaterlerdi táýelsiz baǵalaýdy júrgizý erejesi (budan ári – Ereje) «О́rt qaýipsizdigi týraly» Qazaqstan Respýblıkasynyń 1996 jylǵy 22 qarashadaǵy Zańyna sáıkes ázirlengen jáne saraptama uıymdarynyń órt qaýipsizdigi salasyndaǵy qaterlerdi táýelsiz baǵalaýdy júrgizý tártibin anyqtaıdy.
2. Osy Erejede mynadaı termınder qoldanylady:
1) jeke órt qateri (órt kezinde adam óliminiń qateri) – órttiń qaýipti faktorlarynyń áser etýi nátıjesinde jekelegen adam ólimi múmkindiginiń sandyq sıpattamasy;
2) órt qateri – adamdar men materıaldyq qundylyqtar úshin órt qaýiptiligi men onyń saldarlaryn iske asyrý múmkindiginiń sandyq sıpattamasy;
3) óndiristik obektiler – ónerkásiptik jáne aýyl sharýashylyǵy maqsatyndaǵy obektiler, onyń ishinde qoımalar, ınjenerlik jáne kólik (temirjol, avtomobıl, ishki sý, teńiz, áýe jáne magıstraldyq qubyr kóligi) ınfraqurylymy, baılanys obektileri;
4) áleýmettik órt qateri (órt kezinde toptyq adam óliminiń qateri) – órttiń qaýipti faktorlarynyń áser etýi nátıjesinde on jáne odan astam adam ólimi múmkindiginiń sandyq sıpattamasy;
5) qonystanǵan aımaq – turǵyn úı qoryn, qoǵamdyq ǵımarattar men qurylystardy, sondaı-aq jekelegen kommýnaldyq obektilerdi ornalastyrýǵa arnalǵan óndiristik obekt aýmaǵynyń bóligi.
3. О́rt qaýipsizdigi salasyndaǵy qaterlerdi táýelsiz baǵalaý obektiniń menshik ıesi men saraptama uıymy arasynda jasalatyn shart negizinde júrgiziledi.
4. О́rt qaýipsizdigi salasyndaǵy qaterlerdi táýelsiz baǵalaý memlekettik menshik obektilerinde, adamdar jappaı jınalatyn jáne tynys-tirshilikti qamtamasyz etý obektilerinde júrgizilmeıdi.
5. Qaterlerdi táýelsiz baǵalaýdy júrgizý merzimi shartpen anyqtalady, biraq obektiniń menshik ıesi shartpen anyqtalǵan qaterlerdi táýelsiz baǵalaý júrgizýdiń barlyq talaptaryn oryndaǵan sátten bastap úsh aıdan aspaýy qajet.
6. Eger tómendegi mynadaı talaptardyń bireýi oryndalǵan bolsa, obekt órt qaýipsizdigi talaptaryna sáıkes keledi:
1) Qazaqstan Respýblıkasynyń normatıvtik quqyqtyq aktilerimen jáne órt qaýipsizdigi máselelerin retteıtin normatıvtik qujattarmen belgilengen órt qaýipsizdigi talaptary tolyqtaı oryndalǵan;
2) órt qaterleriniń kórsetkishteri osy Erejemen belgilengen shekti mánderden aspaıdy.
7. О́rt qaýipsizdigi salasyndaǵy qaterlerdi táýelsiz baǵalaý mynadaı is-sharalardy:
1) obektiniń órt qaýiptiligin sıpattaıtyn qujattardy taldaýdy, sondaı-aq personaldyń daıyndyq deńgeıin, onyń ishinde:
obektide órtterdiń aldyn alý jáne sóndirý boıynsha qajetti uıymdastyrýshylyq-josparly qujattardyń bolýyn tekserýdi;
yqtımal órt qaýpi bar obektiniń quramdas bólikterin teńestirý maqsatynda órt qaýipsizdigin qamtamasyz etý máseleleri boıynsha zańnamalyq jáne ózge de normatıvtik quqyqtyq aktilerdiń, tehnıkalyq jáne jobalaý qujattamasy talaptarynyń oryndalýyn taldaýdy;
obekt basshylary men personalynyń, onyń ishinde obektiniń memlekettik emes órtke qarsy qyzmetiniń daıyndyǵyn tekserýdi;
2) obektiniń órt qaýipsizdigi jaı-kúıi, órttiń týyndaý jáne órshý, órttiń qaýipti faktorlarynyń adamdarǵa áser etý múmkindigin anyqtaý týraly shynaıy aqparat alý, sondaı-aq obektiniń órt qaýipsizdigi talaptaryna sáıkestigin anyqtaý úshin obektini tekserýdi, onyń ishinde:
obektiniń órt qaýipsizdigin qamtamasyz etý júıesiniń qujattamalyq jáne is júzinde sáıkestigin tekserýdi;
kásiporyndardy, ǵımarattar men qurylystardy órtten qorǵaýǵa arnalǵan órt tehnıkasynyń bolýyn jáne onyń jaı-kúıin tekserýdi;
3) Qazaqstan Respýblıkasynyń Úkimeti belgilegen tártippen órt qaýipsizdigi salasyndaǵy qaterlerdi baǵalaý jónindegi esepterdi júrgizýdi;
4) obektiniń órt qaýipsizdigi talaptaryna sáıkestigi nemese sáıkes emestigi týraly qorytyndy daıyndaýdy qamtıdy.
8. Qoǵamdyq ǵımarattardyń qaterlerin táýelsiz baǵalaý kezinde jeke órt qateriniń esebi júrgiziledi.
9. О́ndiristik obektilerdiń qaterlerin táýelsiz baǵalaý kezinde jeke jáne áleýmettik órt qaterleriniń esebi júrgiziledi.
10. О́rt qaterleri mánderiniń esebi Qazaqstan Respýblıkasynyń aýmaǵynda qoldaný úshin ruqsat etilgen tehnıkalyq reglamentterdiń, memlekettik, memleketaralyq, halyqaralyq standarttardyń, belgilengen tártippen bekitilgen órt qaýipsizdigi salasyndaǵy normatıvtik qujattardyń talaptaryna sáıkes júrgiziledi.
11. Qoǵamdyq ǵımarattar úshin jeke órt qateri ǵımaratta órttiń taralýynyń edáýir kúrdeli jaǵdaıy men adamdardy ǵımarattan, úı-jaıdan jáne qurylystan shyǵý jolynan edáýir qashyq orynda ornalastyrý úshin jylyna 10-6 máninen aspaýy tıis.
12. О́ndiristik obektilerdiń ǵımarattarynda, qurylystarynda, qurylymdarynda jáne aýmaqtarynda jeke órt qateriniń shamasy jylyna 10-6 aspaýy tıis.
13. Tehnologııalyq úderisterdiń jumys isteý ereksheligine baılanysty jeke órt qateriniń kórsetilgen shamasyn qamtamasyz etý múmkin bolmaıtyn óndiristik obektiler úshin jeke órt qateri jylyna 10-8 aspaýy tıis.
14. О́ndiristik obektide órttiń qaýipti faktorlarynyń áser etýi nátıjesinde jeke órt qateriniń shamasy obektiniń qonystandyrylǵan aımaǵyndaǵy adamdar úshin jylyna 10-8 aspaýy tıis.
15. О́ndiristik obektide órttiń qaýipti faktorlarynyń áser etýiniń áleýmettik órt qateriniń máni obektiniń qonystandyrylǵan aımaǵyndaǵy adamdar úshin jylyna 10-7 aspaýy tıis.
16. О́rt qaýipsizdigi salasyndaǵy qaterlerdi táýelsiz baǵalaýdy júrgizý nátıjeleri qorytyndy túrinde resimdeledi.
17. Qaterlerdi táýelsiz baǵalaýdy júrgizý nátıjeleri týraly qorytyndy mynalardy:
1) qorytyndynyń ataýyn;
2) qaterlerdi táýelsiz baǵalaýdy júrgizý negizdemesi men maqsatyn qamtıtyn kirispe bólimin, júrgizilgen qaterlerdi táýelsiz baǵalaýdyń tapsyrys berýshisi týraly málimetti, qaterlerdi táýelsiz baǵalaýdy oryndaǵan saraptama uıymy men onda akkredıtteý attestatynyń bar-joǵy týraly málimetti, qaterlerdi táýelsiz baǵalaýdy júrgizgen mamandar týraly málimetti;
3) obektiniń qysqasha sıpattamasy men qaterlerdi táýelsiz baǵalaýdyń maqsatyn;
4) qaterlerdi táýelsiz baǵalaý úderisinde qaralǵan qujattar men sáıkestendirý úshin qajetti shıfri, nómiri, markasy nemese ózge de ındıkasııasy bar materıaldardy kórsete otyryp, tekserilgen tehnıkalyq júıeler týraly málimetti;
5) obektiniń órt qaýipsizdigin qamtamasyz etý júıesiniń, sondaı-aq uıymdastyrýshylyq-tehnıkalyq is-sharalardyń órt qaýipsizdigi talaptaryna sáıkestigi týraly málimetti;
6) órt qaýipsizdigi talaptaryn buzýshylyqtar bolǵan jaǵdaıda órt qaýipsizdigi salasyndaǵy qaterlerdi baǵalaý esepterin;
7) obektiniń órt qaýipsizdigi talaptaryna, onyń ishinde eseptermen alynǵan órt qaterleri mánderiniń negizinde sáıkestigi nemese sáıkes emestigi týraly qorytyndylardy qamtıtyn qorytyndy bólimdi qamıdy.
18. Qaterlerdi táýelsiz baǵalaý qorytyndysyna saraptama uıymynyń basshysy qol qoıady, saraptama uıymynyń mórimen rastalady, tigilgen betterdiń sanyn kórsetile otyryp tigiledi.
19. Saraptama uıymy qorytyndy shyǵarylǵannan keıin bes jumys kúni ishinde qorytyndynyń kóshirmesin órt qaýipsizdigi salasyndaǵy ýákiletti organnyń aýmaqtyq bólimshesine usynady.
20. О́rt qaýipsizdigi salasyndaǵy ýákiletti organnyń aýmaqtyq bólimshesine qaterlerdi táýelsiz baǵalaý júrgizý nátıjeleri boıynsha qorytyndynyń kóshirmesin usynbaǵany nemese ýaqtyly usynbaǵany, sondaı-aq obektiniń órt qaýipsizdigi talaptaryna sáıkestigi (sáıkes emestigi) týraly kúmándi aqparatty qamtıtyn órt qaýipsizdigi salasyndaǵy qaterlerdi táýelsiz baǵalaý júrgizý nátıjeleri boıynsha qorytyndyny bergeni úshin saraptama uıymy Qazaqstan Respýblıkasynyń ákimshilik zańnamasyna sáıkes jaýapty bolady.