Azıada: Arman jáne aqıqat

Astanada Qysqy Azııa oıyndaryn uıymdastyrý komıteti men onyń resmı halyqaralyq telehabar taratýshysy «Rocket Media Communications» kompanııasynyń ókilderi jýrnalıstermen kezdesip, Azıadanyń qorytyndysy týraly oılarymen bólisti. Oǵan Týrızm jáne sport mınıstrligi Sport isteri jónindegi komıtetiniń tóraǵasy Elsııar Qa­naǵatov, Qysqy Azııa oıyn­dary komıteti atqarýshy dıreksııa­sy­nyń prezıdenti Anatóli Qul­nazarov pen onyń orynbasarlary jáne atalmysh kompanııanyń bas dırektory Maıkl Grabner qa­tysty. Kezdesýde Qysqy Azıadaǵa da­ıyndyq, Azıadadan keıingi ju­mys­tar men elimizde qysqy sport­ty damytýda istelinip jatqan is-sha­ralar týraly áńgime qozǵaldy. Osy jerde A.Qulnazarov Azıa­daǵa da­ıyndyqtyń jarysqa 9 aı qal­­ǵanda bastalǵanyn, sol kezden beri 270 is-sharanyń, onyń ishinde Úkimettik deńgeıde 17 májilis pen atqarýshy dıreksııanyń ózinde 42 otyrystyń ótkizilgenin, Oıyn­dar­ǵa 5 900 erikti qatysqanyn, Azıa­da­ny uıym­das­tyrý dıreksııa­syn­da 500 qyz­met­ker istegenin atap ótti. Sodan keıin Týrızm jáne sport mınıstrliginiń ókili Elsııar Qanaǵatov mınıstrliktiń ótken jylǵy jumystary men aldaǵy josparlary týraly málimet berdi. Munda ol elimizde qysqy sport­ty damytýda atqarylyp jatqan ju­mystarǵa toqtalyp, qazir mınıstrlik pen Bilim jáne ǵylym men Aýyl sharýashylyǵy mınıstrli­gi­niń arasynda memorandýmǵa qol qoıylǵanyn, sol qujat boıynsha stýdentter sporty, aýyl sporty men qysqy sportty damytýda ju­mystardyń júrgiziletinin aıtty. Odan ári kezdesýde Azıadaǵa jum­salǵan qarjy máselesi sóz boldy. Oǵan dıreksııanyń vıse-prezıdenti Abzal Álibekov jaýap berdi. Ol Azıadanyń qurylysyna bó­lin­gen qarjyny eseptemegende 35 mlrd. teńge, Azıadanyń ashylýy­na 5 mlrd., al jabylýyna 1 mlrd. teńge jumsalǵanyn jetkizdi. Osy­dan keıin dıreksııa ókilderi kópshilikti qyzyqtyrǵan taǵy bir suraqqa jaýap berip kórdi. Munda Azıada ánuranynyń ashylý sal­tanatynda nege oryndalmaı qal­ǵany týraly qoıylǵan suraqqa A.Qulnazarov bylaı dep jaýap berdi. «Azıadanyń ashylý rási­min­de belgili kompozıtor, ánshi Eskendir Hasanǵalıevtiń ánine ja­zylǵan Azıada ánurany shyr­qa­latyn bolǵany ras, – dedi ol. – Biraq, biz jarystyń ashylý, ja­by­lý saltanatynda Azıadanyń án­uranyn oryndatýǵa keshiktik. Azıadanyń ashylýyn uıymdas­tyrýshylar ssenarııdi erte bekitip jiberipti. Al oǵan jaýapty qyzmetker reseılik kompozıtor Igor Krýtoıdyń bolǵanyn bilesizder. Onymen ashylý salt­ana­tyna deıin kezdesý qıyn boldy. Al ózimen kezdeskende Azıada ánurany nege oryndalmaı qaldy dep surasaq: «Men ony estigen joqpyn. Maǵan ony eshkim aıtqan joq», dep shyǵa keldi. Dál sol ashylý saltanaty kezinde uıym­dastyrý komıteti Úkimettiń aldy­na shyqqanymen Azıada ánuranyn oryndatýdy eshkim moınyna al­ǵysy kelmedi. Qysqasy, ánuran shyqqanda oǵan ári qaraı eshkim jaýapty bolǵysy kelmedi». Kezdesýde odan keıin elimizdiń Azıadaǵa daıyndyǵy, jarysqa sheteldik sarapshylardyń bergen baǵasyna arnalǵan 26 mınóttik qo­rytyndy derekti fılm kór­setildi. «Rocket Media Com­mu­ni­cations» kompanııasynyń bas dı­rektory Maıkl Grabnerdiń aı­týyn­sha, Azıada kezinde kompanııa 182 elge 10 tilde habar taratatyn «Euronews» jańalyqtar arnasy­men tyǵyz baılanysta boldy. Osy telearna 2 aqpan kúni Azııa oıyn­daryna arnalǵan FOCUS te­le­jýrnalynyń alǵashqy shy­ǵary­ly­mymen tanystyrdy. «Bizdiń kompanııa, – deıdi ol. – Azıadany bú­kil álemge kórsetý úshin bar múm­kindikti jasady. Biz kún saıyn álemniń 155 elinde 541 telearnada Azıadanyń jańalyq­tary, onyń qyzyqty sátteri, ózi­miz túsirgen derekti fılmdi kórsetip otyr­dyq. Sonyń ishinde Azıadanyń da­ıyndyǵyna arnal­ǵan 13 mınóttik, fınaldyq oıyn­darǵa arnalǵan 29 mınóttik derekti fılm men 8 mınóttik jańa­lyqtar bar. Osy­nyń bárin telearnadan 1 396 733 408 adam kórdi». Dastan KENJALIN.