Jyr jınaǵy tanystyryldy

О́leńderin orys tilinde ja­zatyn belgili aqyn ári rejısser, Qazaqstan Respýblıkasynyń eń­bek sińirgen qaıratkeri, Qazaq­stan Jazýshylar jáne Kınematografıster odaǵynyń múshesi Baqyt Qaıyrbekovtiń “Pýt vo­dy” dep atalatyn jańa jınaǵy ótken jyly Máskeýdiń “Tezaýrýs” baspasynan jaryq kórgen bo­latyn. Jaqynda Máskeýdegi Qa­zaqstan elshiliginde osy kitaptyń tanystyrylý rásimi bo­lyp ótti. Aqyn jınaǵy onyń ár jyl­dary jazylǵan jyrlarynan tú­zil­gen. Sonymen birge, kitapqa ja­lpy rýhanııat týraly, zaman­dastary­nyń shy­ǵarmalary ja­ıyn­da ja­zyl­ǵan tyń esseleri de engizilgen eken. Tusaýkeser rásiminde qazaq­stan­dyq ǵalym, professor N.Shaı­merdenova, Reseı Halyqtar dosty­ǵy ýnıversıtetiniń ustazdary, fılologııa ǵylymdarynyń doktory V.Sınıachkın, fılologııa ǵylym­darynyń kandıdaty E.Kremer, “Tezaýrýs” baspasynyń bas dı­rektory V.Novıskıı, Azııa jáne Afrıka ınstıtýtynyń profes­sory, tarıh ǵylymdarynyń dok­tory A.Qadyrbaev, “Qazaq tili” qoǵamynyń basqarma múshesi O.Aıshah, ádebıetshiler S.Dmıtrıýk, K.Turymova (Dombrovskaıa) jáne basqalar aqyn shyǵarma­shy­lyǵy jó­ninde óz pikirlerin bildirdi. Aqyn Baqyt Qaıyrbekov bu­dan keıin Máskeýdiń “Bıblıoglobýs” kitap dúkeninde ótip turatyn avtor­lardyń dástúrli kezdesýi aıasynda “Pýt vody” jınaǵyn basqa da oqyrmandarǵa tanys­tyrdy. Serikqalı BAIMENShE , “Egemen Qazaqstan” – Máskeýden.