Qos qýanysh

Taıaýda Prezıdenttik Mádenıet ortalyǵynyń konsert zalynda halyqaralyq Abaı klýby men «Amanat» jýr­nalynyń 10 jyldyǵyna oraı, sol klýbtyń qolda­ýymen shyǵarylǵan «Jıdebaı» jylnamalyq jýrnaly men Súıinbaı Aronulynyń «Bórili meniń baıraǵym» jına­ǵynyń tusaýkeser rásimi ótti. Qazaq mádenıeti men áde­bıe­tin jáne baspa isin nasıhattaý jóninde birtalaı ister atqarǵan klýb pen jýrnaldyń basty maq­saty álem jazýshylarynyń klas­sıkalyq shyǵarmalaryn nasıhattaý, qazaq ádebıetiniń ótke­ni men damý órisin zerttep-zerdeleý. Bir aıta ketetin jáıt, jýrnaldy búginde dúnıeniń 20-dan astam eli oqıdy. Al klýb­tyń janynan jaryq kórip otyrǵan «Amanat» jýrnalynyń 200 tomdyq kitaphanasy álem ha­lyqtary ádebıetiniń, óneri­niń, tarıhynyń, fılosofııa­sy­nyń úz­dikterimen oqyrmandy qaý­ysh­­tyryp otyr desek, onyń alǵash­qy ónimderiniń qatarynda Mahambet О́temisuly, Qoja Ahmet Iаsaýı, Súıinbaı Aronuly, Abaı Qunanbaev, Shákárim Qudaıber­diuly, Máshhúr Júsip, sondaı-aq Sultanmahmut Toraıǵyrov sı­ıaqty aqyndardyń shyǵarma­la­ry bar. Al bıylǵy jyly osy serııa boıynsha Maǵjan, Qasym jáne dala aqyndarynyń eń­bek­te­rin shyǵarý josparlanyp ot­yr­ǵan kórinedi. Bıylǵy jyldan bastap «Ama­nat» jýrnalynyń janynan taza qazaq tilinde ádebı, saıası, pál­safalyq dinı «Jıdebaı» jyl­na­malyq jýrnaly shyǵaryla bas­tady. Jylyna bir márte shyǵa­rýdy kózdep otyrǵan jýrnalda 2010 jyly álem qalamgerleri týdyrǵan úzdik prozalyq jáne poezııalyq shyǵarmalar iriktelip berilipti. Jýrnaldyń «Jıdebaı» dep atalý sebebiniń óz­inde úlken mán jatyr. Jıdebaı – qazaq ádebıetiniń jaryq jul­dyz­dary Abaı, Shákárim, Muh­tar syndy úsh tulǵanyń týǵan jeri. Qazaq poezııasynyń jarqyn ókili Súıinbaı Aronulynyń «Bó­rili meniń baıraǵym» atty jı­na­ǵy da qazaq ádebıetin halyq­aralyq turǵyda nasıhattaý maq­satynda jaryq kórgen eleýli eńbekterdiń biri. Kitapqa Súı­in­baı aqynnyń otty óleńderimen birge aıtystary, sondaı-aq aq­yn shyǵarmashylyǵyn zertteýshi S.Sadyrbaev pen M.Joldasbekov sekildi ǵalymdardyń maqa­lalary da engizilgen. Tusaý­ke­ser rásimi qazaq ádebıetiniń kór­nekti tulǵalarynyń pikir-lebizderimen qosa, Gúlmıra Sa­rı­nanyń oryndaýynda «О́zgege kóńilim toıarsyń», sondaı-aq Aı­gúl Elshibaevanyń «Súıin­baı» ánderimen órnektelip otyrdy. Juldyz BAIDILDA.