Zaǵıp janǵa qoldaý

О́zgeniń kómegi men meıirimine zárý, múmkindigi shekteýli jandar kúndelikti ómirde janymyzda júr. Olar taǵdyrdan jarym­jan­dyqty qalap almaıdy. Son­dyq­tan ondaı jandardyń ómirge degen qushtarlyǵy men eńbek­qor­lyq, izdenimpazdyq qasıetterin ushtaý úshin aınaladaǵylardyń aıa­ly qamqorlyǵy qajet. Múmkindigi shekteýli osyndaı jandardyń biri – Gúlhaıa Jýanbaeva 1989 jyly Syzǵan aýyl­dyq ákimshiligine qarasty Qaınar eldi mekeninde dúnıege kelgen. Sábı kezinen kóziniń nashar kó­re­tindigine baılanysty 1-toptaǵy múgedek bolýyna qaramastan, ki­tapty saýsaǵymen qııalaı oqyp, jyr joldaryn jadynda saqtap, án ónerine degen yqylasymen mek­tepishilik, aýdandyq jáne ob­lystyq túrli baıqaýlarda bıikterden kórinip júrgen talapty jas. Gúlhaıa kórkemsózdi mánerlep, jatqa oqýmen qatar, áýeletip án de shyrqaıdy. 2008 jyly eli­miz­diń Mádenıet jáne aqparat mı­nıstrliginiń uıymdastyrýymen Shymkent qalasynda ótken 5-shi respýblıkalyq «Magnıfıkat» baı­qaýyna qatysyp, 1-shi oryndy je­ńip aldy. Bul Gúlhaıanyń óner­degi kóp jetistikteriniń biri ǵana. Talantty da tabandy jas ót­ken jyly Shymkent qalasyn­daǵy oblystyq arnaıy kitaphanada braılsha oqyp, jazýdy úı­rene otyryp, joǵary oqý ornyna túsýge tyńǵylyqty daıyndaldy. Alǵa qoıǵan maqsaty oryndalyp, M.Áýezov atyndaǵy Ońtústik Qa­zaqstan memlekettik ýnıversı­te­ti­niń aqyly bólimine stýdent bo­lyp qabyldandy. Qazirgi tańda osy oqý ornynyń «pedagogıka já­ne mádenıet» fakýltetinde oqı júrip, ózin úzdik stýdent retinde tanytýda. Keıipkerimizdiń otbasy jaǵ­daı­yna kelsek, ata-anasy jumys­syz. Osy jaǵdaıdy eskergen biz aýdandyq ortalyq kitaphana ta­ra­pynan aýdan ákimi Berik Meı­irbekovtiń qabyldaýynda bolǵan­byz. Berik Qýanuly bul máselege muqııat kóńil bólip, múmkindik qa­rastyrýǵa yqylas tanytqan edi. Aýdan basshysynyń tapsy­rýy­men aýdandyq «Ardager» qoǵam­dyq qo­ry­nyń prezıdenti Amalbek Musa­bek demeýshiler taýyp, olar jı­na­ǵan qarjy G.Jý­an­ba­evanyń 2010-2011 jylǵy oqýyna aýdaryldy. Adam taǵdyryna aıryqsha nazar aýdaryp, sergektik tanytyp otyrǵan aýdandyq máslıhat hat­shy­sy Amanǵalı Aımyrzaev Gúl­haıa­nyń Qaınar aýylynda tura­tyn ákesi men anasyna jumys taýyp berý sharalaryn izdestirýde. Al biz qamkóńil jandarǵa jy­ly sózderi men meıirimderin aıa­ma­ǵan basshy azamattarǵa zaǵıp qyz­dyń ózi men otbasy ári tileýles jandardyń báriniń atynan al­ǵys aıtýdy jón kórip otyrmyz. Aıman BALTABEKOVA, Sozaq aýdandyq ortalyqtandyrylǵan kitaphanalar júıesiniń qyzmetkeri. Ońtústik Qazaqstan oblysy.