Ryanair eýropalyq loýkoster basshysy Maıkl O'Lırı aldaǵy on jylda áýe kompanııalarynyń bıletteri tegin bolýy múmkindigin aıtady. Bul týraly ol Londonda ótken Airport Operators Association konferensııasynda málimdedi, - dep jazady The Guardian.
Basylym málimetinshe, kompanııa áýejaılarmen seriktesý arqyly paıda kóretin bolady.
"Men aldaǵy bes-on jylda Ryanair bıletteri tegin bolady dep oılaımyn. Bul jaǵdaıda barlyq reıster tolyq ushady, al biz áýejaıdaǵy dúkenderde saýda jasaǵan jolaýshylardan túsken qarjyny áýejaılarmen bólisetin bolamyz", - deıdi O'Lırı. Aldaǵy ýaqytta kompanııa bılet qunyn tómendete bermek.
Áýe kompanııasy basshysynyń sózinshe, qazir eýropalyq áýejaılar tıimdi usynystar jasap jatyr. Ary qaraı áýe kompanııasy mindettelgen túrli tólemder qysqartylyp nemese olardan múlde bosatylsa, bıletterdiń tegin bolatyn kún alys emes.