Kókshetaý qurylys alańyna aınala ma?

Siz ne deısiz? Bıylǵy Joldaýda tur­ǵyn úı máselesine aı­ryq­sha nazar aýdaryldy.  Mindet – elimizde jyl saıyn keminde 6 mıllıon sharshy metr úı salý. Bul ba­ǵyt­ta Kókshe­taý­da da qoz­ǵalys bar. Bir­aq, kezek azaı­maı tur. Mun­da jas­tardyń úlesi kóp. Ústi­mizdegi merekeli jyly jurt kútkendegideı silkinis bola ma? «Egemen Qazaqstannyń» Aqmola oblysy boıynsha tilshisi Baqbergen AMALBEK Kókshetaý qalasynyń ákimi Munarbek Batyrhanovqa: – Siz buǵan ne deısiz? – Qalaı desek te, qala oń ózgerister qushaǵynda. Bıyl «Jas otaý» qanatqaqty baǵ­darlamasyn bastadyq. Bul joba jas otbasylar men ob­lys ortalyǵyna kóship kelgen jas mamandardy tur­ǵyn úı­men qamtamasyz etýdi kóz­deı­di. Máselen, oblystyq bıýd­jettiń qarjysymen «Kók­tem» shaǵyn aýdanynda salynatyn 45 páterli (3,5 myń sh.m.) úıge qonystanýda 29 jastaǵy azamattar men tolyq emes jáne kópbalaly otbasy­la­ry­na ar­tyqshylyq beriledi. Buǵan qosymsha, birinshi jar­tyjyldyqta turǵyn úı baǵdarlamasy aıasynda úsh 45 páterli úı (10,5 myń sh.m.) paıdalanýǵa beriledi. Bir shar­shy metrdiń quny, buryn­ǵysynsha, 56515 teńgeni qu­raıdy. Reti kelgende aıta keteıin, burnaǵy jyldary osy baǵdarlamamen 19 turǵyn úı salyndy. О́tken jyly 31 memlekettik qyzmetker, 73 jas otbasy, bıýdjettik sala­nyń 25 ókili men memlekettik kásip­oryndardyń 31 qyzmet­keri páterge ıe boldy. Úmit­ker­lerge qoıylatyn talap pen móldirlik qatań baqy­lanady. Qylshaqty ózeniniń aýma­ǵynda «Turǵynúıqury­lysjı­naq­­ban­ki» jelisimen 30 páterli tórt turǵyn úı salý jos­par­lanǵan. Mundaǵy bir bólmeli páterdiń aýmaǵy –  39, al úsh bólmeli páter 74 sharshy metrdi qu­rap, ár shar­shy metrdiń quny 80 myń teńge bolady. Banktiń qalamyzdaǵy salym­shy­lary 7000 adamǵa jetip qaldy. Bul aldaǵy kezde osy júıedegi qu­rylysty keńeıtýge múmkindik bermek. Turǵyn úıdi jalǵa berý máselesine kelsek, búgingi kúni qalada 4000 adam kezekte tur. Aldaǵy jaqyn ýa­qytta 45 páterli úı paıda­lanýǵa berilmek. Árıne, bul jetkiliksiz. Qalalyq ákimdik qazirgi tańda atalǵan ádispen qury­lys salýǵa qajetti qar­jy kózderin pysyqtaý ústinde. Jalpy, ústimizdegi jyly 70 myń sharshy metr turǵyn úıdi paıdalanýǵa berý nıetindemiz. Bul byltyrǵy kórset­kishten 1,2 ese kóp. Aqmola oblysy.