Almaty oblysynyń kásipkerleri tájirıbe almasyp jatyr. Olarǵa Fınlıandııa eliniń aspazdary nan pisirýden bastap, túrli tátti toqash ónimderin daıyndaýdyń tyń ádisterin úıretýde, dep habarlaıdy QazAqparat.
Fın kýlınarlary nan ónimderin tek unnan ǵana emes, oǵan túrli qospalar qosyp pisirý qupııalarymen bólisti. Tájirbıe almasýǵa Almaty oblysynyń ár óńirinen 40-qa jýyq qyz-kelinshek qatysýda. Jańa tásilderdi meńgergen olar, óz aýyldaryndaǵy áriptesterimen bólisetin bolady.
Sharaǵa uıytqy bolǵan Almaty oblystyq kásipkerler palatasynyń aıtýynsha, sheberlik sabaǵy aldaǵy ýaqytta da uıymdastyrylady. Maqsat – tutynýshylarǵa barynsha joǵary deńgeıde qyzmet kórsetip, densaýlyqqa paıdaly taǵamdar usyný.