IýNESKO-nyń materıaldyq emes mádenı murasynyń tizimine Naýryz merekesi, qazaqsha kúres pen qatyrma nan enýi múmkin. Qazaqstannan túsken bul usynys qarasha aıynyń sońynda Addıs-Abebede ótetin IýNESKO-nyń materıaldyq emes mádenı murasyn qorǵaý komıtetiniń kezekti otyrysynda qarastyrylady, dep habarlaıdy BUU jańalyqtar ortalyǵy.
Sonymen qatar komıtet Ázirbaıjan, Iran, Qyrǵyzstan, Túrkııa elderinen túsken ótinishterdi de qaraıdy. Bul memleketter atalǵan tizimge shelpek (lavash, jýpka, ıýfka) pisirý erekshelikterin qosýdy suraǵan.
Belarýs Respýblıkasy Býdslav festıvalin, Grýzııa - grýzın álipbıiniń jazý júıesi dástúrin, Tájikstan "Oshı-palav" atty ulttyq taǵamdaryn IýNESKO-nyń materıaldyq emes mádenı murasy tizimine engizgisi keledi eken.
Esterińizge sala ketsek, bul tizimde qazir 336 element bar. Oǵan urpaqtan urpaqqa jetken mádenı mura, salt-dástúr, shyǵarmashylyq óner túrleri kiredi.