Demokrattar úıindegi kezdesý

Keshe Almatydaǵy Demokrattar úıinde Qazaqstan prezıdenttiginen úmitker Ǵanı Qasymov «Pokolenıe» respýblıka zeınetkerlerin áleýmettik jáne quqyqtyq qorǵaý qozǵalysy assosıasııasy ókilderimen kezdesti. Kezdesý barysynda aǵa urpaq­tyń, balalyq shaǵy soǵyspen tus­pa-tus kelgen ardagerlerdiń, jalpy zeınetker qaýymnyń qa­zir­gi áleýmettik hal-jaıyna nazar aýdaryldy. Atalmysh assosıasııa prezıdenti Irına Savostına azyq-túlik baǵalarynyń, ásirese, soń­ǵy ýa­qytta tym qymbattap bara jat­qa­nyn, eń tómengi deńgeıdegi jáne qa­lypty zeınetaqy arasyn­daǵy al­shaqtyq óte úlken ekenin til­ge tıek etti. Zeınetaqy refor­ma­lan­ǵan kezde kóp jaǵdaı eskerilmegen, zeınetaqy zańnamalary jaq­sar­typ jetildirýdi tileıdi. О́z kezeginde Ǵanı Esengel­di­uly kóterilgen máselelerdiń kó­keıke­s­tiligi men durystyǵyn, kóp jyldan beri Irına Alekseevna basqaryp kele jatqan «Pokolenıe» assosıa­sııasy zeınetker­lerdiń, jalpy ardager qaýymnyń áleýmettik quqyq­taryn qorǵaýda aıtarlyqtaı ıgi ister tyndyryp otyrǵandyǵyn atap kórsetti. Osy arada maǵan qoıyl­ǵan kóptegen suraqtardy men eli­miz­diń Premer-Mınıstrine jol­daı­myn. Se­­b­ebi, men prezıdenttikke kandı­dat­pyn. Sol úshin ózimniń úgit naýqanymdy júrgizýdemin. Demek, búgingi problemalar úshin menen góri Úkimettiń, tıisti mı­nıstr­lik­terdiń halyq aldynda ashyq ta búkpesiz jaýap bergeni ádilet­ti­rek bolar edi, dedi Ǵ.Qasymov. Odan ári prezıdenttikten úmit­ker zeınetkerlerdiń qalyń toby eshqandaı jeńildikterge ilikpeı qalǵandyǵyna qynjylys bildirdi. Sondyqtan da zeınetaqyny qaıta esepteý, arqaýlyq zeınetaqyny kó­terý búgin tańdaǵy eń ózekti má­se­lelerdiń biri dep esepteıtinin aıt­ty. Sonymen birge, Ulttyq qo­ry­­myzdyń qýaty azamattary­myz­dyń áleýmettik jaǵdaıyn, qoǵam­nyń áleýetin jaqsartýǵa qyzmet etpese, onda úmitti aqtamaǵany deı kele, Ǵ.Qasymov óz baǵdar­la­ma­synda Ulttyq qordyń belgili bir bóligi zeınetkerlerdiń, arda­ger­lerdiń, ana men balanyń muq­tajdaryna, bilim berýge jum­salýy tıis dep kórsetilgenin alǵa tartty. Sóıtip, ol óz baǵdarla­ma­sy­nyń áleýmettik turǵydan ba­sym­dyǵyna kópshilik nazaryn aýdardy. Ǵ.Qasymov tómengi zeınetaqy­nyń 13-14 myń teńge ǵana ekendigimen, kún saıyn tańǵy saǵat 8-den keshki 8-ge deıin súrkildep jumys isteıtin orta býyn medısına qyzmetkeriniń 23 myń teńge ǵana, al joǵary bilikti dárigerdiń shamamen 40 myń teńge alatyn­dyǵymen kelise almaıdy. Bular – áleýmettik qana emes, óte mańyz­dy memlekettik máseleler. Son­dyq­tan, men prezıdenttikten úmit­ker retinde osy suraqtarǵa Premer-Mınıstrdiń jaýap berýin talap etemin, dedi ol. Budan ári Ǵanı Esengeldiuly bizdiń qoǵamdaǵy áıel máselesi týraly oılaryna óris berdi. Er azamattardan góri áıelderde jaq­sy qasıetter kóbirek. Olar ser­gek, aıaǵysh, ár nársege janashyr, kemshilikti kórgish. Sondyqtan, bı­likte, memlekettik qyzmette, Par­lamentte, mınıstrlerdiń arasyn­da áıelder qazirgiden áldeqaıda kó­birek bolýy tıis. Osylaı deı kele, ózi prezıdent bola qalsa, bıliktiń barsha tarmaqtaryndaǵy áıelder úlesin 30 paıyzǵa jetkizetindigin málimdedi. Sondaı-aq Ǵanı Qasymov op­pozısııalyq basylymdardan ózi­niń saıası tuǵyrnamasyn jarııa­laý­dy talap etti. Munyń ózi bar­lyq saıası partııalardyń qarap­aıym múshe­leri meniń tuǵyr­na­mam­dy oqyp, ádil baǵasyn berýi úshin, kimniń kim ekenin bilýi úshin qajet, dedi ol. Qorǵanbek AMANJOL. Sýretti túsirgen Bersinbek SÁRSENOV.