Baıqaýshylar ókilimen kezdesti

Keshe Parlament Májilisiniń Tóraǵasy Oral Muhamedjanov TMD Parlamentaralyq Assambleıasy baıqaýshylar mıssııasynyń úılestirýshisi – TMD PAA-nyń Bas hatshysy Mıhaıl Krotovpen kezdesti. Bul basqosýda Qazaqstan Respýblıkasynyń kezekten tys prezıdenttik saılaýyna daıyndyq jumystary sóz boldy, dep habarlady osy palatanyń baspasóz qyzmeti. Meıman Qazaqstannyń demokra­tııa­lyq tájirıbesi týraly sóz qoz­ǵap, kandı­dattardyń usynylýy men tir­kelýine nazar aýdarǵanyn aıta kelip, bastalǵan saılaý naýqanyna oń baǵa berdi. Ol Qazaqstanda saı­laý­dyń ha­lyq­aralyq baıqaýshyla­ry­na jaqsy kózqaras qalyp­tas­qanyn, Ortalyq saılaý komıssııasymen yn­ty­maq­tas­tyqta jumys júrgizile­ti­nin málim etti. Mıhaıl Krotov osy málimetter bedeldi halyqaralyq uıymdarǵa jetkiziletinin aıtty. Saılaýdy baıqaý ju­mystary ba­ry­synda meıman elimizdiń birqatar óńir­lerin­de bolatynynan habardar. TMD PAA-nyń halyqara­lyq baı­qaý­shylar shtaby Astana men Alma­ty qala­larynda ornalasady. Osy kezdesýge TMD PAA Bas hatshysynyń orynbasary Halel Bákenov qatysty.