Telefon arqyly sóılesti

Qazaqstan Prezıdenti Nursultan Nazarbaev BUU Bas hatshysy Pan Gı Mýnmen telefon arqyly sóılesti. Áńgime barysynda Memleket basshysy BUU Bas hatshysymen halyqaralyq ózekti máselelerdi, onyń ishinde Maǵrıb elderindegi, Taıaý Shyǵys pen Ortalyq Azııadaǵy jaǵdaıdy talqylady, dep habarlady Qazaqstan Respýblıkasy Prezıdentiniń baspasóz qyzmeti. Pan Gı Mýn Qazaqstannyń bel­sendi jáne syndarly syrtqy saıası qyzmeti úshin rızashy­ly­ǵyn bildirdi. Atap aıtqanda, BUU Bas hatshysy Qazaqstannyń EQYU-ǵa tabysty tóraǵalyǵyn jáne osy uıymnyń sammıtin Astanada joǵary deńgeıde ótkiz­genin atap kórsetti. Pan Gı Mýn Qazaqstan Pre­zı­dentiniń Qasym-Jomart Toqaev­ty BUU júıesindegi basshylyq qyzmetke usyný týraly usynysy BUU tarapynan muqııat qaral­ǵa­nyn habarlady. Qazaqstannyń halyqaralyq qaýipsizdikti, ıadro­lyq qarýdy taratpaý rejimin ny­ǵaıtýǵa qosqan aıtýly úlesin, eldiń áleýmettik-ekonomıkalyq damýdaǵy jáne syrtqy saıasat­ta­ǵy tabystaryn eskere otyryp, BUU Bas hatshysy Qasym-Jo­mart Toqaevty BUU-nyń Jene­va­daǵy bóliminiń Bas dırektory qyz­metine taǵaıyndaý týraly sheshim qabyldanǵanyn aıtty. О́z kezeginde, Nursultan Nazarbaev Pan Gı Mýnnyń 2010 jyly Qazaqstanǵa jasaǵan eki saparynyń mańyzdylyǵyn atap ótip, BUU Bas hatshysyna 29 ta­myzdy Iаdrolyq synaqtarǵa qar­sy is-qımyldyń halyqaralyq kúni dep jarııalaý týraly Qazaq­stan­nyń bastamasyna qoldaý kórset­keni úshin rızashylyǵyn bildirdi. Nursultan Nazarbaev Pan Gı Mýndy Semeı synaq polı­gony­nyń jabylǵanynyń 20 jyl­dy­ǵyna arnalatyn halyqaralyq kon­ferensııaǵa qatysýǵa shaqyr­dy. BUU Bas hatshysy bul sha­qyrý úshin alǵys aıtyp, usy­nysty zeıin salyp qaraýǵa ýáde etti.