Keshe Qasym-Jomart Toqaevtyń tóraǵalyq etýimen Parlament Senaty bıýrosynyń otyrysy boldy. Onda palatanyń bıylǵy 17 naýryzda bolatyn kezekti jalpy otyrysynyń kún tártibin qalyptastyrý jónindegi komıtetterdiń usynystary qaraldy.
Otyrysta «1992 jylǵy 23-25 qarashada Kopengagende qabyldanǵan Ozon qabatyn buzatyn zattar jónindegi Monreal hattamasyna Túzetýdi jáne 1997 jylǵy 15-17 qyrkúıekte Monrealda qabyldanǵan Ozon qabatyn buzatyn zattar jónindegi Monreal hattamasyna Túzetýdi ratıfıkasııalaý týraly» zań jobasyn qaraý josparlandy.
Depýtattar qaraýyna, sonymen birge, «Qazaqstan Respýblıkasynyń keıbir zańnamalyq aktilerine ruqsat berý júıesin jetildirý máseleleri boıynsha ózgerister men tolyqtyrýlar engizý týraly» zań jobasy da usynylady, dep habarlady Parlament Senatynyń baspasóz qyzmeti.