Semınar taqyryby – prezıdenttik saılaý

Oral qalasynda ótkizilgen semı­narǵa Qazaqstan Respýblıkasynyń kezekten tys prezıdenttik saılaýy arqaý boldy. Oǵan aýdandyq, qalalyq jáne oblystyq saılaý komıssııalarynyń tór­aǵalary, saıası partııalardyń ókil­deri, halyqaralyq baıqaýshylar, prezıdenttikke kandıdattardyń senim bildirilgen adamdary jáne úkimettik emes uıymdar men BAQ ókilderi qatysty. Semınarǵa arnaıy kelgen Ortalyq saılaý komıssııasy aqparattyq-sarap­tama bóliminiń bas keńesshisi A.Omarova aldaǵy sáýir aıynyń basynda ótetin prezıdenttik saılaý asa mańyzdy saıası shara dep atap kórsetti. Sodan keıin ol semınarǵa qatysýshylardy saılaýǵa ázirlik barysynda jaýapkershilik kór­setýge, saılaýdyń zań aıasynda ádil ári uıymshyldyqpen ótýine bastamashy bolýǵa shaqyrdy. – Bul jóninde Ortalyq saılaý komıssııasy barlyq qajetti sharalardy oıdaǵydaı atqaryp keledi. Búginde úmitkerlerdiń saılaýaldy úgit-nasıhat jumystary shyrqaý shyńyna jetip otyr. Tıisti zańdylyqtarǵa sáıkes bar­lyq úmitkerlerge BAQ-tarda saılaýal­dy úgit jumystaryn júrgizý úshin tepe-teń múmindikter berildi. Atalǵan is-sharalardy atqarýǵa bólingen qarajat mólsheri de birdeı, – dedi budan ári Alma Myrzaǵalıqyzy. Sonymen birge semınar kezinde prezıdenttik saılaýǵa baılanysty oblys aýqymynda osy kúnge deıin atqarylyp kelgen jumystar jóninde de jan-jaq­ty áńgime qozǵaldy. Aıtalyq, Batys Qazaqstan oblystyq saılaý komıssııa­synyń tóraǵasy Abaı Hamzın tómen­degishe málimdeme jasady: Oblys kóleminde 540 saılaý komıs­sııasy quryldy. Onyń 14-i aýmaqtyq, 526-sy ýchaskelik saılaý komıssııalary. Onyń quramyna 3780 adam tartylǵan. Komıssııa múshelerine parasat-paıymy men tájirı­beleri mol, kásibı deńgeı­leri joǵary, óz isterine árkez sergektik pen jaýapkershilik tanyta biletin mamandar shaqyryldy. Búgingi kúnge deıin ýchaskelik saılaý komıssııalaryna sol aımaqta turatyn saılaýshylardyń tizimderi tapsyryldy. Munyń ózi saılaýshylardyń tizimi tolyq ári naqty bolýy qajettiginen týyndady. Semınar ústinde Abaı Hamzınniń daýys berýshiler tizimi jónindegi deregin odan ári tolyqtyrǵan A.Omarova Ortalyq saılaý komıssııasynyń saı­tyn­da da barlyq saılaýshylardyń tizimi qoıylǵanyn jetkizdi. Sondaı-aq, onyń aıtýynsha, ǵalamtorǵa kirý mú­min­dikteri bar árbir adam jeke ıdentı­fıkasııalyq nómirin terý arqyly óziniń tizimde bar-joǵyn anyqtaı alady eken. Budan soń bas keńesshi semınarǵa qatysýshylardyń birqatar suraqtaryna jaýap qaıtardy. Semınarda Oral qalalyq saılaý komıssııasynyń ókili Nurlan Bekqaıyr qaladaǵy saılaýǵa ázirlik barysy jóninde esep berdi. Temir QUSAIYN. Oral.