Jaqynda fýtboldan Qazaqstan premer-lıgasynyń ekinshi týry ótti.
Bul týrda oınalǵan alty oıynnyń ekeýinde alań ıeleri, úsh oıynda qonaqtar jeńiske jetse, bir oıyn teń aıaqtaldy. Osy matchtarda soǵylǵan 14 doptyń teń jartysyn qonaqtar soqty.
Ekinshi týrda tóreshiler eki ret qyzyl qaǵazdy qaltasynan shyǵardy. "Tobyl" – "Taraz" oıynynda tarazdyq qaqpashy Murat Muqashev pen "Lokomotıv" – "Ordabasy" matchynda Ulan Qonysbaev alańnan qýyldy. Astanalyq havbektiń bul sporttyq karerasyndaǵy birinshi ret qyzyl qaǵaz alýy. Osy týrda "Taraz" ekinshi ret óz qaqpasyna gol jiberip aldy. Birinshi týrda "Ertispen" ótken kezdesýde Damır Memısheevıch dop kirgizip alsa, bul joly Vıacheslav Sobolev dopty torǵa týlatty. Endi "Tobyl" men "Taraz" arasyndaǵy oıynǵa kelsek, bul kezdesý Qostanaıdyń jańa stadıonynda ótti. Matchqa "Tobyl" birinshi týrda "Ordabasydan" jeńilgen soń tek jeńis úshin ǵana shyqty. Oǵan bosnııalyq legıoner Samır Bekrıch vızasyn resimdeýdegi kedergilerge baılanysty taǵy da qatysa almady. Solaı desek te "Tobyl" qarsylastaryn ótken maýsymdaǵydaı óz alańynda taǵy jeńdi. Osy oıynǵa taǵy almatylyq referı Qaırat Silámbekov tórelik etti. Al matchtyń ózi 3:0 bolyp aıaqtaldy. Byltyrǵy esep 1:0 bolyp tirkelgen bolatyn. Sóıtip, Voıd Talǵaevtyń komandasy jańa maýsymda ekinshi ret jeńilis tapty. Al bıylǵy maýsymnyń alǵashqy penaltıin osy oıynda qostanaılyq Sergeı Kostıýk 8-mınótte oryndady.
Kelesi, "Ertis" pen "Aqtóbe" arasynda ótken oıyn 2:3 esebimen qonaqtardyń paıdasyna sheshildi. "Aqtóbeniń" kapıtany Samat Symaqov Qazaqstan chempıonatynda 300 ret alańǵa shyqty. Al onyń komandalasy Haırýllın eki dop soǵyp, dýbl jasady. Bul matchty týrdyń eń basty oıyny deýge bolady. Byltyrǵy maýsymnyń qola men kúmis júldegerleri arasynda ótetin kezdesý árqashan qyzyqty da tartysty ótip turady. Osy joly da solaı boldy.
Al "Shahter" men "Atyraý" arasyndaǵy kezdesý taǵy da "Astana-Arena" stadıonynda ótti. Bul oıynda eki jaqtyń kelisimi boıynsha alań ıesi qaraǵandylyq komanda bolyp sheshildi. Endi qarymta kezdesý "Munaıshy" stadıony daıyn bolǵan soń, Atyraýda ótetin bolady. Oıynda atyraýlyq Andreı Travın men argentınalyq Leon Djavıer ulttyq quramanyń qaqpashysy Aleksandr Mokınniń qaqpasyn dál kózdedi. Esep – 2:0. "Atyraýdyń" paıdasynda.
Sol kúni "Astana-Arena" stadıonynda "Lokomotıv" pen "Ordabasy" komandalary kezdesti. Oǵan "temirjolshylardyń" negizgi quramyndaǵy bes oıynshy qatysa almady. Sýperkýbok úshin ótken matchta jaraqat alǵan Andreı Karpovıch, Aleksandr Kırovtyń qataryna Dragan Bogavas, Piráli Álıev, Danılo Belıch qosyldy. Al oıyn 1:0 esebimen aıaqtaldy. Jalǵyz dopty "Ordabasynyń" qaqpasyna ótken maýsymda shymkenttik komandanyń sapynda bir jyl jaraqat alyp, oınaı almaǵan Tańat Nóserbaev soqty. Ekinshi týrdaǵy taǵy bir oıyn birinshi lıgadan kelgen "Qaısar" men "Vostok" komandalarynyń arasynda ótti. Syr eliniń saıypqyrandaryn jattyqtyratyn Algımantas Lıýbınskas óz alańynda jeńiske jetý úshin bárin jasaǵanymen oıyn 1:1 bolyp bitti. Al Taldyqorǵanda "Jetisý" men "Qaırat" arasyndaǵy match 1:0 esebimen almatylyqtardyń paıdasyna sheshildi. О́tken týrda Astanaǵa baryp, "Lokomotıvti" 2:0 esebimen jeńgen "Jetisý" úshin bul tosyn oqıǵa bolǵany sózsiz. Match bastalar aldynda almatylyqtardy júndeı tútemiz degen olar óz qaqpasyna eki gol jiberip aldy. Al kezdesý sońynda "Jetisý" oıynshylary "Qaırattan" jeńiletinin úsh uıyqtasa da tústerine kirmegenin aıtty. Almatylyqtar bolsa, bul oıynǵa demeýshilerdiń syıǵa tartqan jeńil avtobýsymen jetti.
Kelesi týrdyń oıyndary erteń myna komandalar arasynda ótedi. "Taraz" – "Lokomotıv", "Ordabasy" – "Jetisý", "Shahter" – "Ertis", "Aqtóbe" – "Tobyl", "Qaırat" – "Qaısar", "Vostok" – "Atyraý".
Dastan KENJALIN