Saýd Arabııasy áskerı kómek berdi

Taıaý Shyǵys elderiniń tóńkerister men tár­tipsiz­dik­terdiń órshı túsýinen úreılen­gen­deri sonshalyq, bir-birine aqshalaı ǵana emes, sonymen birge áskerı turǵyda kó­mektesý­ge de ázir. Áleýmettik jobalar úshin Bahreınge 10 mıllıard dollar bólgennen keıin birneshe kún ótken soń Saýd Arabııasy osy elge áskerı bólimderin de jóneltti. Bahreın ókimeti ereýilshiler polısııa shabýylyn toıtaryp, sheshýshi joldardy jaýyp tastaǵan eń qatal qaqtyǵystan keıin Saýd Arabııasynan kómek suraǵan bolatyn. Ádilet, syrtqy ister mınıstrlikteriniń ǵımarattary men eldiń ortalyq banki ornalasqan aýdanda temir zattarmen qarýlanǵan top qoqys salatyn konteınerlerden barrıkada turǵyzǵan. 1000 adamnan turatyn Saýd Arabııasynyń áskerıleri de sol aýdanǵa jiberilgen kórinedi. ATOM STANSALARY QAJET PE? Eýroodaq  ıadrolyq energııasyz bola­shaq týraly máseleni tez arada oılas­tyrýy tıis. Energetıka máseleleri jónindegi eýrokomıssar Gıýnter Ottınger osyndaı usynys bildirgen. Biz taıaý bolashaqta Eýropa ıadrolyq energııany qoldanýdan bas tarta ala ma degen máseleni kóterýimiz kerek, dep atap ótken ol nemistiń ARD tele­arnasyna bergen suhbatynda. Eýrokomıssııa Japonııadaǵy apat­ty jaǵ­daıdaǵy AES ahýalyn talqylaý úshin energetıka mınıstr­leriniń shuǵyl kezdesýin ótkizbek. Sonymen qatar, Eýroodaq Japo­nııadaǵy «Fýkýsıma-1» atom elektr stansasyna qatysty MAGATE sarap­shy­lary­men shuǵyl májilis ótkizýge nıetti ekendikterin de málimdegen. ÚDEÝ ÚSTINDEGI ÚNDISTAN О́ńirlik jáne álemdik derjava bolýǵa talpynysynda Úndistan taǵy bir qadam jasady – ol qarý-jaraqty eń kóp satýshylar qataryna qosyldy. Qarý-jaraq saýdasyna monıtorıng júrgizýmen aınalysatyn Stokgolm álemdik problemalardy zertteý ınstıtýty qarý-jaraq ımporttaýda Úndistan Qytaıdan asyp ketti dep habarlaǵan. Jańa baıandamaǵa sáıkes 2006-2010 jyldary dúnıe júzi boıynsha satyp alynǵan qarý-jaraqtyń 9 paıyzy Úndistannyń enshisine tıesili eken. Osy baıandamada atap kórsetilgendeı, Úndistan taıaý ýaqyttar ishinde birinshi oryndy eshkimge bermek emes. Osy oraıda, Úndistannyń 2011 jylǵy áskerı bıýdjetiniń shamamen 32 mıllıard dollardy quraıtynyn da aıta ketý kerek. KО́TERILISShILER ShEGINÝGE MÁJBÚR Lıvııa kósemi Mýamar Kaddafıdiń áskerı-áýe kúshteri eldiń shyǵysyn­daǵy strategııalyq mańyzdy sanala­tyn Adjabııa qalasyna birneshe márte avıasoqqy jasaǵan. Lıvııalyq avıasııa kóterilisshiler ornalas­qan eldiń shyǵysyn kún saıyn áýe soqqysynyń astyna alýda. О́tken demalys kúnderi úkimet áskerleri Ras-el-Anýf jáne Marsa-el-Brega qalalaryn óz baqy­laýyna alǵan. Kóterilisshiler shyǵysqa qaraı sheginýge májbúr bo­lyp, qazirgi kezde óz kúshterin Adjabııa qalasy tóńiregine shoǵyr­lan­dyrýda. Degenmen, sany az, sapasy tómen kóterilisshilerdiń el ásker­leri­ne qarsylyq kórsete almaıtyny belgili bolyp otyr. TOKIODA ABYRJÝShYLYQ JOQ Tokıoda radıasııa deńgeıiniń jo­ǵary­lap ketýinen eshqandaı abyr­jý­shy­lyq týyndaǵan joq. Bul ­týraly Tokıo qalasynda turatyn Ilıa Gorelov  «Orys jańalyqtar qyzmetine»  bergen suhbatynda habarlaǵan. Eshqandaı dúrligis joq, jaǵdaı halyqqa habarlanyp otyratyndyqtan, japondar  jarylystyń bolǵanyn, biraq radıasııanyń Tokıoǵa jetpeıtinin, soltústikten kelgen aýanyń jelmen teńiz jaqqa ketetinin biledi, dep atap kórsetken ol. Qolaısyzdyqtar bar, adamdardyń kóńil-kúıleri ózgeshe, degenmen japondar óz ǵasyrynda jer silkinisterin de, ıadrolyq bombany da kórgen, ózderin qalaı ustaý kerektigin biletin halyq degendi de qosyp qoıǵan Tokıo turǵyny óz sózinde. PHENIаN KELISSО́ZDERGE DAIYN Japonııadaǵy oqıǵalar aıasynda Soltústik Koreıa óki­meti ıadrolyq baǵdarlama boıynsha altyjaqty kelissóz­der­ge qaıta oralýǵa daıyn ekendikterin málimdegen. О́tken jyldyń qarashasynda Phenıan ýrandy baıytý zaýytynda myńdaǵan sentrıfýgalardyń jumys istep turǵanyn moıyndaǵan bolatyn. Sonymen birge el ókimeti óndiristiń tek beıbit maqsattarǵa ǵana arnalatynyna da sendirgen. Al kelissózderden Phenıan 2009 jyldyń sáýirinde shyǵyp, sodan keıin ıadrolyq zarıadqa  synaq júrgizýdi qolǵan alǵan-dy. NEMISTER ATOM STANSASYNA QARSY Germanııanyń sosıal-demokrattar men «jasyldar» sııaqty negizgi oppozısııalyq partııalary úkimettiń nemis atom elektr stansalarynyń paıdalaný merzimin uzartý týraly máseleni qaraýdy toqtatýyna qarsy. Oppozısııa eldegi búkil AES-ter eshqan­daı talqylaýsyz jabylýy tıis dep esepteıdi. GFR kansleri Angela Merkel qoldaý kórsetken baǵdarlama AES-ter jumysynyń merzimin 2005 jylǵa deıin uzartýdy qarastyrǵan bolatyn. Biraq, qazir kanslerdiń ózi de Japonııadaǵy jaǵdaıdyń atalmysh baǵdarlamaǵa kúmán týǵyza­ty­nyn jáne nemis AES- teriniń qaýipsizdik standarty jańa tekserýlerdi qajet etetinin málimdegen. ÚLKEN «SEGIZDIK» KELISE ALMADY Úlken «segizdik» elderi Lıvııadaǵy jaǵdaıǵa áskerı turǵyda aralasý múmkindigi jóninen ortaq kelisimge kele almady,  dep habarlaǵan Fransııa syrtqy ister mınıstri Alen Jıýpe «Evropa-1» radıostansasyna bergen suhbatynda. Onyń aıtýynsha, qazirgi kúni halyqaralyq qaýymdastyq Mýamar Kaddafıdiń oppozısııaǵa qarsy operasııalar júrgizýine tosqaýyl qoıatyndaı jaǵdaıda emes. Ol úshin halyqaralyq qoǵamdastyq tıisti sheshim qabyldamaǵandyqtan, búgin bizde áskerı quraldar joq, dep málimdegen Alen Jıýpe. Sonymen birge ol úlken «segizdik» elderi syrtqy ister mınıstrleriniń qarar qabyldaý máselesi boıynsha BUU Qaýipsizdik Keńesinde pikirtalastar ótkizýge keliskenin de jetkizgen. Internet materıaldary negizinde ázirlendi.