Jaqynda «Saıat» ulttyq sport túri boıynsha «Eń alǵyr qyran» atty qusbegilerdiń respýblıkalyq jarysy bolyp ótti.
Jambyl aýdanyndaǵy Aısha bıbi aýylynda ótken qusbegiler básekesine Aqmola, Almaty, Aqtóbe, Atyraý, Qaraǵandy, Ońtústik Qazaqstan jáne Jambyl oblysynan 25 búrkitshi qatysty.
Básekede aqtóbelik Qozykórpesh Maıdáýletuly «Eń alǵyr qyran» ıesi atandy. Ol búrkitti shaqyrý, shyrǵa tartý, túlkige salýdan aldyna saıatshy saldyrmady. Ekinshi orynǵa almatylyq Qýanysh Isabekov, úshinshi orynǵa Ońtústik Qazaqstan oblysynan kelgen qusbegi Baǵdat Keýenov ıe boldy.
Al qarshyǵa salýda jambyldyq jas saıatshylardyń baǵy jandy. Jambyl aýdanyndaǵy О́rnek aýylynda turatyn Baýyrjan Eshmetov atty qarııa ata-baba ónerin urpaqtaryna jalyqpaı úıretip júr eken, jeńimpaz da, mine, solar bolyp shyqty. Jas saıatshylar Shernııaz, Turnııaz jáne Ǵazızhandar atasynyń saıatshylyq ónerin óte sheber meńgerip alypty. Ǵazızhany, tipti, 6 jasqa endi tolypty.
«Saıat» ulttyq sport túri boıynsha dástúrli túrde ótkizilip kele jatqan qusbegiler básekesiniń basty maqsaty – ulttyq saıatshylyq ónerin qaıta damytý bolyp tabylady. О́ıtkeni, halqymyzdyń salt-dástúrine berik ornyqqan saıatshylyq ónerdiń buqaralyq sıpat alýy búgingi jahandasý dáýirinde óte mańyzdy.
El táýelsizdiginiń 20 jyldyǵy qurmetine arnalǵan qusbegiler jarysynyń qorytyndysy boıynsha jeńimpazdar men júldegerlerge Týrızm jáne sport mınıstrliginiń dıplomdary men medaldary saltanatty jaǵdaıda tabys etildi.
Kósemáli SÁTTIBAIULY.
Jambyl oblysy, Jambyl aýdany, Aısha bıbi aýyly.