Qazaqstan Respýblıkasy Aýyl sharýashylyǵy mınıstrliginiń buıryǵy № 557

2010 jylǵy 1 qyrkúıek, Astana qalasy Memlekettik ulttyq tabıǵı parkterdiń aýmaqtaryndaǵy rettelmeli týrızm men rekreasııanyń erejesin bekitý týraly «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 46-babynyń 1-tarmaǵyna sáıkes, buıyramyn: 1. Qosa berilip otyrǵan Memlekettik ulttyq tabıǵı parkterdiń aýmaqtaryndaǵy rettelmeli týrızm men rekreasııanyń erejesi bekitilsin. 2. «Memlekettik ulttyq tabıǵı parkterdiń aýmaqtaryndaǵy rettelmeli týrızm men rekreasııanyń erejesin bekitý týraly» Qazaqstan Respýblıkasy Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasynyń 2007 jylǵy 9 aqpandaǵy № 56 (Normatıvtik quqyqtyq aktilerdi memlekettik tirkeý tiziliminde № 4564 tirkelgen, «Zań gazeti» gazetinde 2007 jylǵy 11 tamyzda № 119 (1322) jarııalanǵan) buıryǵynyń kúshi joıyldy dep tanylsyn. 3. Qazaqstan Respýblıkasy Aýyl sharýashylyǵy mınıstrligi Tabıǵat resýrstaryn paıdalaný strategııasy departamenti (J. Y. Omarov) osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin. 4. Osy buıryq alǵash ret resmı jarııalanǵan kúninen bastap on kúntizbelik kún ótken soń qoldanysqa engiziledi. Mınıstrdiń m. a. E.AMAN. Qazaqstan Respýblıkasy Aýyl sharýashylyǵy mınıstriniń m. a. 2010 jylǵy 1 qyrkúıektegi № 557 buıryǵymen bekitilgen Memlekettik ulttyq tabıǵı parkter aýmaǵyndaǵy rettelmeli týrızm men rekreasııa erejesi 1. Jalpy erejeler 1. Osy Memlekettik ulttyq tabıǵı parkter aýmaǵyndaǵy rettelmeli týrızm men rekreasııa erejesi (budan ári – Ereje) «Erekshe qorǵalatyn tabıǵı aýmaqtar týraly» 2006 jylǵy 7 shildedegi Qazaqstan Respýblıkasynyń Zańynyń 46-babynyń 1-tarmaqshasyna sáıkes ázirlendi jáne memlekettik ulttyq tabıǵı parkter (budan ári – ulttyq park) aýmaǵynda rettelmeli týrızm men rekreasııany ótkizý tártibin aıqyndaıdy. 2. Osy Erejede mynadaı negizgi uǵymdar paıdalanylady: 1) týrıstik soqpaq (budan ári – soqpaq) – jaıaý nemese atpen (salt atpen) júrýge arnalǵan jerdiń sozylmaly ýchaskesi; 2) týrıstik marshrýt (budan ári – marshrýt) týrıstiń (saıahat kezinde) tanymdyq, sporttyq, estetıkalyq ne ózge de maqsattarmen ótý, qaraý úshin belgilengen barlyq geografııalyq meken­derdiń, bolý obektileriniń tizbesin kórsetetin júrý joly; 3) rekreasııa – dem alýdyń barlyq túrin qamtıtyn uǵym. Turǵyn úıden tys jerde, áýes­qoılyq (sporttyq) ań aýlaý men balyq aýlaýdy qosa alǵanda, tabıǵat aıasynda dem alý arqyly densaýlyq pen eńbekke qabilettilikti qalpyna keltirý. 3. Ulttyq parkterdiń aýmaǵynda týropera­torlyq lısenzııasy bar bolsa rettelmeli týrızm men rekreasııa: 1) tikeleı ulttyq parkpen; 2) rettelmeli týrızm men rekreasııany qam­tamasyz etý boıynsha qyzmetti júzege asyrýǵa tabıǵat qorǵaý mekemesi beretin ruqsat­ta­malardyń jáne ulttyq parktermen bekitiletin sharttardyń negizinde zańdy tulǵalarmen júzege asyrylady. Osy ruqsattamalar jáne (nemese) shart­tar qaramaǵynda ulttyq parkter bar memlekettik organdarmen kelisilýi tıis. 4. Rettelmeli týrızm men rekreasııa, onyń ishinde reakreasııalyq ortalyqtardy, qonaq­úıler, kempıngter, murajaılar jáne týrısterge qyzmet kórsetýdiń basqa da obektilerin orna­lastyrýǵa jáne olardy paıdalanýǵa, áýesqoı­lyq (sporttyq) balyq aýlaýǵa, týrıstik marshrýttar, soqpaqtar uıymdastyrýǵa, dem alý alańqaılary men tamashalaý alańdaryn qurýǵa rekreasııalyq júktemeler normalaryn eskere otyryp, týrıstik jáne rekreasııalyq qyzmet, shekteýli sharýashylyq qyzmet aımaqtarynda ruqsat etiledi. 5. Arnaıy bólingen ýchaskelerde áýesqoılyq (sporttyq) balyq aýlaýdy uıymdastyrýǵa shekteýli sharýashylyq qyzmet aımaǵynda ruqsat etiledi. 2. Ulttyq parkter aýmaǵyndaǵy rettelmeli týrızm men rekreasııa 6. Ulttyq parkterdiń aýmaǵyndaǵy týrıstik soqpaqtar men marshrýttardy ulttyq parktiń ákimshiligi, ulttyq parktiń ákimshiligimen kelisim boıynsha týroperatorlar men jobalaıdy jáne olardy Qazaqstan Respýblıkasy memlekettik standarttarynyń talaptaryna sáıkes ýákiletti organ bekitedi. 7. Soqpaqtar jáne marshrýttar: qozǵalý túrleri boıynsha jaıaý júris, velosıpedpen, avtomobılmen, motosıklmen, jelkendi qaıyqpen, salt atpen júrý, sondaı-aq olardyń úılesim tapqan nusqasy – aralas soqpaqtarǵa (marshrýttar); qozǵalys baǵyty boıynsha jelilik, aınalma, radıaldy; qoldanys ýaqyty boıynsha jyl boıy, maý­symdyqqa; uıymdastyrý nysany boıynsha toptyq jáne jeke bolyp jiktestiriledi. 8. Soqpaqty (marshrýtty) jobalaý ol ótetin aýmaqqa ekspedısııalyq zertteý júrgizýdi kóz­deıdi. Soqpaqty (marshrýtty) jobalaý mynalardy kózdeıdi: qystamalardyń, dem alý alańqaılarynyń, kólikke arnalǵan turaqtardyń, kempıngterdiń, shatyrly lagerlerdiń, tamashalaý alańdarynyń, sýretke túsirý jáne qoǵamdyq tamaqtandyrý oryndarynyń, týrıstik ábzelderdiń, qural-saı­mandardyń jáne kólik quraldarynyń qajetti mólsheriniń esep-qısaby; týrızm boıynsha nusqaýshylar, basqa da qyzmet kórsetýshiler jónindegi qajettilikti aıqyndaý jáne olardy daıarlaýdy uıymdastyrý, joryq joly sıpattalǵan jarnama-aqparattyq materıaldar daıyndaý; rekreasııalyq júktemeniń esebi. Zertteý ekologııalyq jáne sanıtarııalyq-gıgıenalyq normalar men talaptarǵa saı keletin, sondaı-aq týrızmniń naqty túrin damytýdyń shynaıy múmkindikterin eskere otyryp, tabıǵı jaǵdaılary qolaıly aýmaqtar boıynsha júzege asyrylady. Soqpaqty (marshrýtty) jobalaý kezinde ony qaýipsiz júrip-ótý úshin qajet nusqaýshylardyń biliktiligi, onyń uzaqtyǵy, aýdannyń klımattyq, geografııalyq kórsetkishteri, taýdyń eńistigi, ózender aǵysynyń jyldamdyǵy jáne basqa da kórsetkishter eskeriledi. 9. Jergilikti kedergiler (asýlar, shyńdar jáne basqalar) jáne týrızmniń jekelegen túr­lerine tán ózge de faktorlar (aýdany, bıik jer­lerdiń jalpy qubylýy, derbestigi) jobalaý kezinde soqpaqtyń (marshrýttyń) kúrdeliligin aı­qyndaıtyn negizgi kórsetkishter bolyp taby­lady. Aralas soqpaqtyń (marshrýttyń) kúr­deliligi kedergilerdiń mólsherine jáne marshrýt­qa engizilgen týrızmniń ár túrleriniń elementterine baılanysty anyqtalady. 10. Soqpaqtar (marshrýttar) jalǵasa beretin kúıinde josparlanady. Soqpaq (marshrýt) (ózen­der, taý alqaptary) ýchaskelerin nemese jergilikti kedergilerdi baılanystyrǵan jaǵdaıda, eger bul onyń tutastyǵyn buzbasa, osy týrıstik aýdan sheginde kólik paıdalanýǵa ruqsat etiledi. 11. Soqpaqtar (marshrýttar) qurý kempıng­terdi, motelderdi, dem alý alańqaılaryn, tamashalaý alańdaryn, shatyrly lagerlerdi, avto­kólik turaqtaryn, sýretke túsirý jáne qoǵamdyq tamaqtandyrý oryndaryn ornalastyrý rekre­a­sııa­lyq júkteme normalaryn eskere otyryp, bir mezgilde júzege asyrylady. 12. Soqpaqpen (marshrýtpen) daıyndalmaǵan týrıster júrip ótken kezde aıaldaý oryndaryn 2-3 kılometr qashyqtyqta ornalastyrylady. Turaqtar qajetti shaǵyn nysandy qurylys­tarmen (demalý oryndary, oryndyqtar, qoqys baktary jáne taǵy sol sııaqtylar) jáne birinshi medısınalyq kómek kórsetý quraldarymen qam­tamasyz etiledi. Turaqqa qyzmettik qurylys­tar men qoryq aýmaǵynda olar alyp otyrǵan ýchaskelerdi paıdalanǵan jón. 13. Sý bógetteri men ótýi qıyn ýchaskeler keship ótý, tóseme, aspaly jáne aǵash kópirlermen qamtamasyz etiledi. 14. Búkil soqpaqtyń (marshrýttyń) ón bo­ıynda erekshe nazar aýdarýdy, jekelegen rejım talaptaryn saqtaýdy talap etetin ýchaskeler shek­telip, jazý jazylǵan taqtaıshalarmen (tablıchkalarmen), kórsetkishtermen jáne anshlagtarmen belgilenedi. 15. Kúrdeli ýchaskelerden ótý kezinde olardy aınalyp ótýdiń saqtyq nusqalary kózdeledi. 16. Soqpaq (marshrýt) boıynsha júrip ótý kezinde qaýipsizdik jónindegi sharalardy aıqyndaý «Týrıstik qyzmet týraly» Qazaqstan Respýblı­kasynyń Zańynyń 26-babyna sáıkes júrgiziledi. 17. Soqpaq (marshrýt) pasportynyń jobasy osy Erejeniń qosymshasyna sáıkes pasport túrinde rásimdeledi. 18. Soqpaq (marshrýt) pasportynyń derekteri ulttyq parktiń pasportyna, sondaı-aq osy obek­tilerdi odan ári paıdalanýdy júzege asy­ra­tyn týrıstik operatorlar men týrıstik agent­terdiń týrıstik marshrýttarynyń tizilimine engiziledi. 19. Jeke tulǵalardyń ulttyq parkterde Qa­zaqstan Respýblıkasynyń salyq zańnamasyna sáıkes aqyly negizde dem alý, týrıstik jáne rek­reasııalyq is-sharalarǵa qatysý, óz muqtajdyǵy úshin jabaıy jemister, jańǵaqtar, sańyraý­qu­laqtar, jıdekter, dári-dármektik shıkizattar jáne ózge de orman resýrstaryn jınaý maqsa­tyn­da bolýǵa quqyǵy bar. Memlekettik ulttyq tabıǵı parkter aý­ma­ǵyn­daǵy rettelmeli týrızm men rekreasııa erejesine qosymsha Nysan Týrıstik soqpaqtyń (marshrýttyń) Pasporty 1. Erekshe qorǵalatyn tabıǵı aýmaq­tyń (budan ári – EQTA) ataýy ____________________________________________________________ 2. Soqpaqtyń (marshrýttyń) ata-ýy_______________________________________ 3. Soqpaqtyń (marshrýttyń) jiktemesi: 1) qozǵalys jasaý túri boıynsha: jaıaý júris, sý, shańǵy, velosıped, salt atty, avtomobıl, motosıkl, at-arba, aralas; 2) qoldanys ýaqyty boıynsha: jyl boıy, maýsymdyq; 3) uıymdastyrý nysany boıynsha: toptyq jáne jeke; 4. _____________________________________ (negizgi geografııalyq pýnktterdiń ataýy) 5. Qashyqtyǵy ___kılometr (km), aıaldamany eskere otyryp, ýaqyt uzaqtyǵy________ saǵat. 6. Soqpaqtyń (marshrýttyń) jumys isteý merzimi. 7. Toptaǵy adamdardyń eń kóp sany; shekteý nemen baılanysty (tamashalaý alańynyń úlken­digimen, psıhıkalyq jaıly shegimen, rekre­asııalyq júkteme normalarymen). Bir aptaǵa nemese bir aıǵa (rekreasııalyq júkteme) ekskýr­sııalyq toptardyń lımıtteri. 8. Ekskýrsııa maýsymynyń ishindegi ártúrli kezeńder boıynsha jol beriletin rekreasııalyq júktemeler (eger maýsym ishindegi qandaı da bir kezeńde júktemeni tómendetý qajet bolsa, my­saly, balapandar basý kezinde qustardyń mazasyn almaý). 9. Soqpaq arqyly ekskýrsııa uıym­dasty­rýshysynsyz júrip ótý múmkindigi. Soqpaq qalaı tańbalanǵan. О́zińmen birge kıimnen (mysaly, eger soqpaqta úńgirde bolý josparlansa, arnaıy kıim) nemese aıaq kıimnen (mysaly, eger aıaqty sýlap alý, ıaǵnı arnaıy aǵash tósenishsiz sýlap alý qaýipi bar batpaqty ýchaskeler bolsa, etik) ne alý kerek. 10. Soqpaqta júrip-turýdyń erekshe erejeleri osy EQTA-da júrip-turýdyń jalpy erejelerine qosymsha, mysaly, soqpaqtan shyǵyp ketpeý, tik jardyń shetine barmaý, ózge de saqtyq sharalaryn saqtaý). 11. Qaýipsizdik sharalary. 12. Soqpaqpen (marshrýtpen) júrip ótý jospary: r/s  № Soqpaq (marshrýt)  ýchaskeleri Uzaqtyǵy,  km Qozǵalys  ýaqyty Aıaldaý  ýaqyty Tamashalaý alańynyń,  sýretke túsirý beketteriniń № bastap   deıin Barlyǵy: 13. Soqpaq (marshrýt) syzbasy (baspahana shyǵarǵan kartalardy jáne soqpaq (marshrýt) belgilengen masshtaby 1:200000 kem bolmaıtyn syzbalardy jelimdep japsyryp qoıýǵa bolady). 14. Shartty belgiler: soqpaqtar (marshrýttar); saqtyq nusqalar; túneý oryndary; panalaý oryndary; panalaıtyn oryndar; medısınalyq járdem beketteri; baılanys bekettteri (baılanys túri kórsetilsin); 15. Soqpaqtyń (marshrýttyń) qysqasha sıpattamasy (sıpaty). 16. Soqpaq (marshrýt) boıyndaǵy jáne tamashalaý (sholý) alańdaryndaǵy qarap-kórý obektileriniń qysqasha sıpattamasy. 17. Soqpaqtyń (marshrýttyń) kúrdeli ýchaskeleriniń qysqasha sıpattamasy. 18. Yqtımal stıhııalyq qubylystar men olar oryn alǵan kezde toptyń is-qımyly. 19. Joldamaǵa aqparattyq paraqshanyń mátini úshin usynymdar. Týrıstik jabdyqtarǵa, kıimge, aıaqkıimge, júris-turysqa qatysty usynymdar engiziledi________________________________________________________________________ __________________________________________________________________________ 20. Soqpaqty (marshrýtty) abattandyrý Tańbalaý___________________________ Soqpaqtyń (marshrýttyń) aıaldaý, panalaý oryndary, ony abattandyrý _______________________________________ 21. Memlekettik tabıǵı qoryqtyń ǵylymı-tehnıkalyq keńesiniń sheshimi. Soqpaqty ázirleýge jáne pasportyn re­simdeý­ge jaýapty adam ______________________________________ 22. Pasport 20____ jyly ________danada jasaldy. 23. 20____ jyly ________ ______betterge ózgerister engizildi. 20____ jyly ________ ______betterge ózgerister engizildi. 24. Pasport danalary jiberildi: _______________________________________ _______________________________________ ______________________________________ «Kelisildi»_____________________________ (erekshe qorǵalatyn tabıǵı aýmaqtar salasyndaǵy ýákiletti organnyń aýmaqtyq organynyń basshysy) 20 ____jylǵy «____» ___________ Buıryq Qazaqstan Respýblıkasynyń Ádilet mınıstrliginde 2010 jylǵy 30 qyrkúıektegi Normatıvtik quqyqtyq kesimderdi memlekettik tirkeýdiń tizilimine № 6516 bolyp engizildi.