Qazaqstan Respýblıkasynyń Prezıdenti N.Á.Nazarbaev ótken aptanyń sońyna qaraı jumys saparymen elimizdiń Ońtústik óńirinde bolyp qaıtqanynan gazet oqyrmandary qulaǵdar. Sapar barysynda Elbasy Túrkistan qalasyndaǵy Ahmet Iаsaýı kesenesine arnaıy soǵyp, ol jerde jatqan ultymyzdyń uly tulǵalaryna zııarat etti, quran oqytty.
Elbasy osy saparynyń sońynda, Túrkistan qalasyndaǵy jańadan salynyp, byltyr kúzde ǵana paıdalanýǵa berilgen Tarıhı-mádenı etnografııalyq ortalyqtyń ásem ǵımaratynda qazaqtyń bir top zııalylarymen kezdesý ótkizdi. Kezdesýde memlekettik til, din men dil, ulttyq ıdeologııa men jastardy eljandylyqqa tárbıeleý jóninde jan-jaqty ashyq áńgime boldy.
«Abaıtaný» ǵylymı-zertteý ortalyǵynyń dırektory, fılologııa ǵylymdarynyń doktory, kórnekti ǵalym Mekemtas Myrzahmetov te osy kezdesýge qatysyp, sóz sóılegen edi. Biz kórnekti ǵalymnyń sol kezdesýde sóılegen sózin yqshamdap, oqyrman nazaryna usynyp otyrmyz.
Búginde Qazaqstan damýdyń qaıtalanbas ózindik erekshe jolyna tústi. Endi elimiz sandyq kórsetkishterdi artqa tastap, sapalyq ózgeristerdi meńgere bastady. Iаǵnı, damýdyń kúrdeli, sapalyq belgisine nyq qadam basqan jańa memleketke aınalý úrdisine kóshtik.
Bul jaıdan-jaı qubylys emes dep bilemin. Bul – keleli, júıeli jetistikterdiń tarıhı kórinisteri. О́lshemsiz eren eńbektiń nátıjesi. Sonyń arqasynda Qazaqstannyń álemde ózindik orny bar ekendigin jáne odan ónege-úlgi alýǵa bolatyndyǵyn dúnıe júzi moıyndap otyr. Bul – asylyq aıtqan sóz emes, búgingi kún shyndyǵy.
Bul sózime dálel de, dáıek te jetkilikti. Sol kóp jetistigimizdiń biri – «Mádenı mura» baǵdarlamasy. Eshbir elde joq, der ýaqytynda qolǵa alynyp, júzege asyrylyp jatqan, tól mádenıetimiz úshin teńdessiz joba! Osy baǵdarlama úshin de, ony jasatyp, qabyldatqanyńyz úshin de, qurmetti Elbasy, Sizge aıtarymyz tek rahmet qana!
Bul baǵdarlama ólgenimizdi tiriltip, óshkenimizdi jandyrǵandaı boldy, eskirgenimiz jańaryp, joǵalǵanymyz tabylyp jatyr. Endi Prezıdent ózi bas bolyp kórsetip bergen osy úlgimen jergilikti jerlerde de mol rýhanı qundylyqtar jınaqtala bastaldy.
Mysaldy men bir ǵana Ońtústik Qazaqstan oblysy jóninen aıtaıyn. «Qazynaly Ońtústik» aıdarymen ótken jyly osy óńirdiń folkloryn, aýyz ádebıetin, ańyzdary men jyrlaryn, basqa da rýhanı qundylyqtaryn arnaıy ǵylymı ortalyq quryp, jınaqtaı bastaǵan edik. Osy rýhanı qundylyqtardyń bas-aıaǵyn shamalap eseptep qarasaq, keleshekte 300 tomnan asatyn túri bar. Bul shyn máninde halyqtyń baǵa jetpes orasan baılyǵy der edim. Byltyrǵy jyl atalǵan kitaptardyń 20 tomyn jaryqqa shyǵardyq. Ol kitaptar qyzdyń jıǵan júgindeı bolyp kórmede tur.
Jalpy, tarıhı turǵydan qaraǵanda, qas-qaǵym merzimde 20 jylǵa tolyp otyrǵan óskeleń memleketimiz ozyq elderdiń ózine úlgi-ónege bere alatyn jaǵdaıǵa jetýi – halqymyzdyń, ony basqaryp otyrǵan Prezıdentimiz, Nursultan Ábishuly, Sizdiń uly tabysyńyz. Álbette, munyń tarıhı narqy men parqyn búgingi biz paıymdaı almaı jatqan shyǵarmyz. Olarǵa baǵa berý bolashaqtyń enshisinde. Biraq, búgingi urpaq, ásirese, aǵa býyn retinde bizdiń aıtarymyz, eń bastysy – táýelsizdikti baǵalaı bilýimiz kerek. Táýelsizdik – ózińiz árdaıym aıtyp júrgendeı, teńdesi joq qundylyq.
Osynaý barsha jetistiktiń jolbasshysy bolǵanyńyz úshin, qadirli Elbasy, ardager aqsaqal, kópti kórgen qart ǵalym retinde sizge degen óz basymnyń alǵysy zor. Bárimiz buqaranyń qalyń ortasynda júremiz, el-jurtpen kúndelikti áńgimelesip, pikirlesip júremiz. Sodan kórgen-bilgenimdi sóz retinde jasyrmaı aıta keteıin: men ǵana emes, ózińizge degen halqymyzdyń rızashylyǵy, qarapaıym aq tilegi sheksiz. Biz osyǵan kúndelikti kóz jetkizip júrmiz.
Búgingi kezdesý qatysqan adamdardyń esinde uzaq ýaqyt qalatyny sózsiz. О́ıtkeni, bul arada bizdiń de kókeıimizdi kópten qozǵap júrgen ónegeli de óreli áńgime bolyp jatyr. Qoǵamdy tolǵandyrǵan, bizdi tolǵantyp júrgen ózekti problemalardyń bárin Siz sezip-bilip otyrady ekensiz. Bárin qolmen qoıǵandaı jiktep-jiliktep, olardy sheshýdiń joldaryn da nusqap, minekı, aldymyzǵa jaıyp salyp otyrsyz. Rahmet!
Biz de halqyńyzdyń ózińizge degen aq tilegine qosyla otyryp, elińizdiń kóshin bastap, aldaǵy maqsattarǵa jeteleı berińiz demekpiz.