Ákimdik ǵımaraty balalarǵa beriledi

Naýryz meıramy qarsańynda qa­lanyń jańa ákimi Aıbek Ká­rimov qa­laǵa qarasty Abyraly óńirinde bo­lyp qaıtty. О́ńir ómi­rimen tanysqan ákim biraz má­se­leni aýyl tur­ǵyn­darymen kezdesý ústinde jedel sheship tastady. Aıtalyq, jıyn ústinde Semeıdegi «Semaz» traktor za­ýy­ty­nyń basshysy Ásemhan Dosqo­ja­novqa telefon shalyp, bıýdjet esebinen Qaınar aýylyna «MTZ-82» trak­toryn bólý jóninde tapsyrma berdi. Tıegishi, býldozeri jáne eks­kavatory bar bul traktor qa­zirgi sátte aýylǵa aýadaı qat dúnıe. Sondaı-aq, ákim bastamasy­men Qaınarda memlekettik kom­mý­nal­dyq kásiporyn qurylatyn boldy. Oǵan da qajetti tehnıka men qu­ral-jabdyqtar bólinbek. Munyń syr­tynda aýyl kóshe­lerin ja­ryq­tandyrý máselesi de óz sheshimin taýyp jatty. Jıyn barysynda turǵyndar tarapynan basqa da ótinishter aı­tyldy. Máselen, ınternattyń joq­­tyǵynan óńirdiń shalǵaıda tu­ratyn eńbekkerleriniń bala­la­ry, mine, uzaq jyldan beri qı­nalyp keledi. Onyń ústine balalar baq­shasynyń joqtyǵy da aı­qyn sezile bastaǵan. О́ıtkeni, óńirde sońǵy jyl­dary bala týý jóninen kór­setkish birshama jaq­sara túsken. Osynyń bári eskerile kelip, aýyl ákimdigi basqa mekenge kó­ship, qazirde ózderi otyrǵan eki qabatty ǵımaratty ınternat pen balalar baqshasyna bosatyp beretin boldy. Sol maqsatqa dep qala bıýdjetinen qarjy qaras­ty­rylmaq. Osy oraıda  bul ǵı­ma­rat­tyń kezinde ınternat úıi bol­ǵandyǵyn aıta ketkenimiz jón. Jıyn sońynda ákim jınalǵan­dardy polıgon aımaǵyndaǵy eldiń muń-muqtajy óziniń udaıy na­za­rynda bolatyndyǵyna sendirdi. Dáýlet SEISENULY. Semeı.