Ataqty akterdi ataýsyz qaldyrmaıyq

Qazaq kıno óneriniń iri tulǵa­larynyń biri – Abdolla Qarsaqbaev. Eger ol tiri bolsa, ústimizdegi jyldyń kúzinde 85 jasqa tolar edi. О́kinishi kóp ómirdiń erte sóngen jaryq juldyzdarynyń bári birdeı eske alyna bermeıdi. Ol «Botagóz», «Qıly kezeń» fılmderiniń ekinshi rejısseri boldy. Al «Meniń  atym Qoja», «Alty jasar Alpamys» syn­dy fılmderi qazaq kıno óneriniń altyn qoryna endi. «Meniń atym Qoja» Fran­sııa­daǵy Kann festıvaliniń dıplomyna  ıe bolǵanyn, «Qazaqfılmniń» al­ǵash­qy halyqaralyq deńgeıde  ta­nyl­ǵan fılmi ekenin de umyt­paı­yq. Al «Alty jasar Alpamys» fı­lmi Búkilodaqtyq H kınofes­tı­valdiń júldegeri atandy. Belgili kınorejısserdiń 60, 70, 75, 80 jyldyq mereıtoılary da ataý­syz  qaldy. Sondyqtan da KSRO halyq ártisi Bıbigúl Tólegenova, eń­bek jáne qoǵam qaıratkeri Sultan Jıenbaev,  KSRO halyq ártisi Asan­áli Áshimov, Memlekettik syı­lyq­tyń laýreaty, Qazaqstannyń halyq ártisi Eskendir Hasanǵalıev, KSRO halyq ártisi, qyrǵyzstandyq kınorejısser Bolatbek Shamshıev; Qazaqstan Jazýshylar odaǵynyń tóraǵasy, Memlekettik syılyqtyń laýreaty Nurlan Orazalın, Lermontov atyndaǵy orys drama teatrynyń kórkemdik jetekshisi, Qazaqstannyń halyq ártisi, Memlekettik syılyqtyń laýreaty Rýben Andrıasıan, Qazaqstannyń halyq ártisi, Memlekettik syılyqtyń laý­reaty, kınoakter Nurjuman Yq­tymbaev, jazýshy, «Qurmet» or­deniniń ıegeri Naǵashybek Qapal­bek­uly syndy qaıratkerlerdiń ataqty akterdiń mereıtoıyn atap ótý jóninde kótergen bastama-úndeýin qoldaımyn. Qarsaqbaevtyń qazaq mádenıetine qosqan úlesin eskere otyryp, onyń 85 jyldyq mereıtoıyn atap ótýge baılanysty úkimettik komıssııa qurylyp, tıisti uıymdastyrý sharalary ótkizilýi kerek dep esepteımin. Ýálıhan QALIJAN, Májilis depýtaty.