Úshemniń ata-anasy jańa páterge kirdi

Gazetimizdiń jyl basyn­daǵy sandarynyń birinde «Janar atty kishkentaı súı­kimdi qyzdary bar Medet pen Qarlyǵash Tankeshovterdiń otbasynda  úshemder dúnıege keldi. Páterleri joq jastar qazir oblys ortalyǵyndaǵy Lermontov kóshesi, 92-úıde ornalasqan jataqhananyń aıadaı ǵana bólmesinde turyp jatyr, aldaǵy ýaqytta ákim-qa­ralar  úshemder turǵan úıge baryp, óz kózderimen kórip, oılanar, kómekteser...» dep jazǵan edik. Mine, búgin oblys or­ta­ly­ǵynda taǵy bir jańa turǵyn úı paıdalanýǵa berildi.  Ob­lys ákimi Baqytjan Saǵyntaev Naýryz meıramy qarsańynda úshemderdiń ata-anasy Medet pen Qarlyǵashqa páter kiltin tap­syr­dy.  Ákesi Nursultan atty uldy bolǵanyna qýanyshty ekenin aıtsa,  Qarlyǵash «qazaq dás­túri boıynsha ulymyzdy erkeletip  Sultan dep ataımyz», –dedi bizben áńgimesinde. Nemere-shóbereleriniń  páter alǵanda­ryn óz kózimen kórýge shal­ǵaı­daǵy Malaısary batyr aýy­lynda turatyn ájeleri de kelipti. Bir kúnde úsh shóbereniń ájesi atanǵan qart apamyz Elbasyna alǵysyn aıtqan. Turǵyndardy qýantqan 9 qabatty, 168 páter­den turatyn bul úı memlekettik turǵyn úı baǵdarlamasyn jú­zege asyrý sheńberinde salynǵan eken. Bir aıta ketetin jáıt,  jańa úıdiń eki podezi ıpote­ka­lyq nesıeleý júıesi boıynsha, al qalǵan úsh podezi  jalǵa  berilipti. Qurylysty V.Mezko bas­qaratyn «Qurylys» jáne A.Vınersev basqaratyn «Stroıımpýls» seriktestikteri júrgizip­ti. Turǵyn úıdiń birinshi qaba­ty­nan áleýmettik-turmystyq ny­­san­dar – dárihana, aýla klýby, dıspetcherlik pýnkt, polısııa bólimshesi ornalasqan. Farıda BYQAI, Pavlodar.