Elordanyń ázirligi qaraldy

Ortalyq saılaý komıssııasynyń keshegi ótken otyrysynda Astana qalasy aýmaqtyq saılaý komıssııasynyń Qazaqstan Respýblıkasynyń kezekten tys prezıdenttik saılaýyn ázirleý men ótkizý jónindegi jumysy qaraldy. Otyrysta Astana qalalyq saı­laý komıssııasy tóraǵasynyń, qalalyq ákimdiktiń jaýapty qyz­metkerleriniń, múddeli uıymdary men mekemeleriniń 2011 jylǵy 3 sáýirge taǵaıyndalǵan Qazaqstan Respýblıkasynyń kezekten tys prezıdenttik saılaýyn ázirleý men ótkizý jónindegi aqparattary tyńdaldy. Astana qalasynda 2011 jylǵy 1 qańtardaǵy jaǵdaı boıynsha 697257 adam turady, olardyń 339985-i – saılaýshylar, bul halyqtyń jalpy sanynyń 48,8 paıyzyn quraıdy. Kezekten tys saılaýdy Astana qalasy boı­ynsha uıymdastyrý men ótkizýdi qalalyq, Saryarqa, Esil jáne Almaty aýdandarynyń saılaý ko­mıssııalary men 218 ýchaskelik saı­laý komıssııalary iske asy­rady. Qazaqstan Respýblı­ka­sy­nyń shet memleketterdegi ókil­dik­teri janynan 35 saılaý ýchaskesi uıymdastyrylǵan. Saılaý komıssııalarynyń qu­ra­mynda segiz saıası partııanyń: QKP – 13, JSDP – 10, «Ádilet» partııasynyń – 15, «Aýyl» QSDP – 181, QKHP – 179, «Rýhanııat» partııasynyń – 182, Qazaqstan Pat­rıottar partııasynyń – 182, «Nur Otan» HDP – 183 jáne basqa da qoǵamdyq birlestikterdiń ókil­deri bar. Prezıdenttiń saılaýdy taǵaıyndaý týraly Jarlyǵy shyq­qan soń, saılaýshylar tizimin to­lyqtyrý boıynsha jumys aı­tarlyqtaı belsendi júrdi. Qala­nyń halyq esebine jaýapty uı­ym­dary men mekemeleriniń jumy­sy qajetti deńgeıde úılestirildi. Ortalyq saılaý komıssııasy Astana qalasynyń saılaý komıs­sııa­lary, atqarýshy organdary al­daǵy elektoraldyq naýqandy uı­ymdastyrýshylyq, materıaldyq-tehnıkalyq jáne aqparattyq qam­tamasyz etý boıynsha aıtar­lyq­taı jumys júrgizgenin atap ótti. Saılaý komıssııalarynyń jergilikti atqarýshy jáne ókildi or­gan­darymen ózara is-árekettestiginde keıbir kemshilikter de bar. Ýchaskelik saılaý komıssııala­ryn oqytý boıynsha belsendi ju­mysty jalǵastyrý, onyń aıasynda saılaý rásimderiniń, birinshi kezekte daýys berý kúni men daýys­tardy sanaý kezindegi saılaý rá­sim­deriniń zańdylyǵy men aı­qyn­dyǵyna basa nazar aýdarý qajet etiledi. Talqylaý barysynda Ortsaılaýkom basshysy qalalyq saılaý komıssııasy kóp adamdardy qamtı otyryp, úlken jumys atqarǵanyn jáne bul buryn anyqtalǵan bir­qatar kemshilikterdi jedel túrde joıýǵa múmkindik bergenin basa aıtty. Sondaı-aq Q.Turǵanqulov 2009 jyly «Saılaý týraly» Zań­nyń 20-baby 11-tarmaǵyna saılaý komıssııasy múshelerine eńbekaqy tóleý tártibine qatysty ózge­ris­ter engizilgenin atap ótti. Bul normamen saılaý komıssııalary mú­she­leriniń ústeme jumysyna, mereke jáne demalys kúnderindegi jumysyna aqy tóleý belgilengen. Sondyqtan basym kópshiligi bıýd­jettik uıymdardyń qyzmetker­le­ri (muǵalimder, medısına qyz­metkerleri jáne t.b.) bolyp ta­bylatyn ýchaskelik saılaý komıs­sııalary músheleriniń qaýyrt ju­mysynyń aqysy tıisinshe ótele­tin bolady. Otyrysta Ortalyq saılaý komıssııasyna taǵy 229 halyq­aralyq baıqaýshyny akkredıtteý týraly jáne shyǵyp qalǵannyń ornyna «Qazaqstan Respýblıka­syn­daǵy saılaý týraly» Kons­tı­týsııalyq Zańmen belgilengen tár­tipte jańa múshe saılanǵanǵa deıin Arman Jıenǵalıevti Batys Qazaqstan oblystyq saılaý ko­mıs­sııasynyń múshesi etip taǵaı­yn­daý týraly qaýlylar qa­byldandy. Álısultan QULANBAI.