Syr boıy saılaýǵa daıyn

Keshe Qyzylorda oblystyq saılaý komıssııasynyń kezekti otyrysy ótti. Onda aldaǵy prezıdenttik saılaýǵa daıyndyq ba­rysy pysyqtaldy. Búginde Syrdyń boıyn jaǵalaı qonǵan el prezıdenttik saılaýǵa tas-túıin daıyn dese bolady. Daıyndyq ba­rysyn Astanadan arnaıy kelgen Ortalyq saılaý komıs­sııa­sy­nyń sarapshysy Venera Jeksembekova da kózimen kórip ketti. Búginde oblys boıynsha saı­laý­shylardyń tizimi alynyp ja­tyr. Osyǵan deıin tirkelgender sany 375 425 adamdy quraǵan. Tizim alý jumysy 2 sáýirge deıin jal­ǵasa beredi. Sondyqtan muny saılaýshylardyń naqty sany dep aıtýǵa kelmeıdi. Dál qazir oblys boıynsha 335 saılaý ýchaskesi qu­ry­lyp, komıssııa músheleri bekitilgen. Al saılaý ýchaskeleriniń tór­aǵalary men orynbasarlary Bilim jetildirý ınstıtýtynda ar­naıy dáris alǵan. Sóz arasynda aıta keteıik, saılaý ýchaskeleriniń tóraǵalary tek Qyzylorda obly­syn­da ǵana bilimin jetildirip ja­tyr. Qalǵan aımaqtarda mundaı is-shara ótpegen. Jáne bilim jetildirý jumystarynyń aqyly negizde júrgenin de aıta ketýge tıispiz. Prezıdenttikten úmitkerler­diń únparaqtary men plakattary tolyǵymen alynǵan. Olar barlyq saılaý ýchaskelerine jetkizilip, ornalastyrylǵan. Sonymen qatar, oblys boıynsha 4 úmitkerdiń 1427 senim bildirilgen adamdary  tirkelip, qajetti qujattary eki tilde berilgen. Senim bildirilgen adam­dardy tirkeý munymen bitken joq. Bul jumys aldaǵy ýaqytta da jalǵasyn taba bermek. Otyrys barysynda Qyzyl­or­da qalasy men Jańaqorǵan aýda­nyn­daǵy saılaý ýchaskeleriniń de jaı-kúıi aıtyldy. Prezıdenttik saılaýǵa qatysty atqarylyp jatqan barlyq is baıan etildi. Elimiz taǵy bir syn saǵatynyń aldynda turǵany anyq. 3 sáýir kúni bolatyn saılaýǵa daıyn­dyq­tyń da qaıta-qaıta pysyqtalyp, barlyq is-árekettiń zań sheń­be­rinde jasalyp jatqany da son­dyq­tan. Al bul tarapta Qy­zyl­orda oblystyq saılaý komıssııasy al­daǵy prezıdenttik saılaýǵa bar­lyq turǵydan daıyn deýge negiz bar. Erjan BAITILES. Qyzylorda.