Balalarǵa depýtattyq qamqorlyq

«Nur Otan» HDP-nyń Májilistegi frak­sııa­synyń bir top múshesi – depýtattar Baýyr­jan Smaıylov, Berik Bekjanov, Tatıana Iаkovleva, Petr Dmıtrıenko Astana qalasyndaǵy kámeletke tolmaǵan balalar baspanasynda bolyp, Naýryz meıramy qarsa­ńynda qaıyrym­dy­lyq aksııasyn ótkizdi. Májilis depýtattary «Nur Otan» HDP-nyń Májilistegi fraksııasynyń jetekshisi Oral Muhamedjanovtyń atynan Naýryz merekesimen quttyqtap, balalarǵa sport zalyna qa­jet­ti qural-jabdyqtar men árqaısysyna arnalǵan merekelik syılyqtar tartý etti. Táýel­siz Otanynda qamqorlyqqa bólenip otyr­ǵan balalardyń júzderi qashanda shattyqqa tolyp, maqsattary aıqyn bolyp, sol jolda jalyqpaı izdenýlerine tilektestik bildirdi. Halyq qalaýlylaryn kámeletke tolmaǵan balalar baspanasynyń «Jas ulan» áskerı-patrıottyq klýbynyń músheleri óz ónerlerin kórsetip qarsy aldy. «Osynda ata-analarynyń taǵdyrlary daǵ­da­rysqa ushyraýyna baılanysty qyryq jeti jasóspirim ýaqytsha turyp jatyr. Olar ja­nymyzdaǵy №19 mektepten bilim alýda. Bo­la­shaqta baspanany balalar úıine aınaldyryp, olarǵa turaqty meken jasasaq degen maqsatymyz bar», – dedi baspana dırektory Sergeı Sháripov qonaqtarǵa óz oıyn jetkizip. «Egemen-aqparat».