«Damý» kórsetken demeý

Múmkindigi shekteýli jandar da shaǵyn kásipkerlik­pen aınalysýǵa ynta tany­tady. Alaıda, ekinshi deń­geı­degi bank­­ter olarǵa nesıe berýge qu­lyqty ma? Bir múshesiniń kemdigi bar jan­dardyń sózine qulaq túr­seńiz, bankter olar­dyń nesıe alǵanyn qalamaı­dy. Sol sebepten qoǵamdyq damýdyń úrdisinen qalǵysy kelmeıtin múmkindigi shekteýli jan­dar «Damý» qorynan kómek suraıdy. Al bul qor múge­dekterdi qoldaýdyń bas­qasha ádisin qolǵa aldy. Iаǵnı, qar­jylaı emes qoldaý baǵ­dar­la­masy aıasynda múge­dek-kásipkerlerdi yntalan­dyrý, jańa kásip ashyp, keńeıtý úshin qajetti qural-jabdyq­tar alyp berýdi jal­ǵasty­rý­da. Qor buǵan deıin 9 adamǵa demeýshilik kómek­pen qural-jabdyqtar berilýine uıytqy bolǵan eken. Endi taıaýda taǵy da bir top múmkindigi shekteýli jan­darǵa demeýshi taby­lýyna dáneker boldy. Bul joly Atyraýdyń ár aýdanynan ótinish bildirgen 7 adamǵa  «Denge enerdjeı» kom­panııasynyń bas demeýshiligimen ártúrli qural-jab­dyq­­tar alynyp berildi. Máse­len, Batyrbek Saǵyn­ǵa­lıev pen Baqtygúl Dáý­let­baeva shashtaraz salonyn ashyp, shash qııý kásibine maman­danbaq eken. Rollan Karınniń yńǵaıy fotosýret túsirýge kelip tur. Al Marat Sár­senǵalıev aǵash­tan túıin túıý­diń sheberi atanbaqty qalasa, Mútásh Qaıredenov turǵyn­dar­dyń anyqtama, qujatta­ryn birneshe danaǵa kóshirip berý arqyly óz kásibin jan­dan­darýdyń alǵashqy qa­da­myn jasamaq. Bulardyń bar­ly­­ǵyna da qajetti qural-jab­dyqtar tartý etildi. Múmkindigi shekteýli jan­dar oılaǵan maqsattary iske asatynyna bek senimdi. Tipti júzderinen qýanysh­tyń lebi baıqalady. Ásire­se, 5 dom­byraǵa ıe bolǵan Baqtygúl Ǵınaıatovanyń qýa­nyshynda shek joq. Ol buǵan deıin «О́mir gúli» at­ty ansambl ashyp, mýzy­kaǵa beıimi bar múmkindigi shekteýli jandar­dyń basyn qosý isine belsene aralas­qan eken. Endi mektep jasyndaǵy múmkindigi shek­teýli balalardy qazaqtyń qońyr dombyrasynda oı­naý­ǵa úıretpek. Joldasbek ShО́PEǴUL, Atyraý oblysy.