Kóktemgi áskerge shaqyrý bastaldy

3 naýryzda «Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qa­zaq­stan Respýblıkasynyń azamattaryn 2011 jyldyń sáýir-maýsymynda jáne qazan-jeltoqsanynda kezekti merzimdi áskerı qyzmetke shaqyrý týraly» Qazaqstan Respýblıkasy Prezıdentiniń Jarlyǵy shyqqan edi. Osyǵan baılanysty Almaty qalasy Qorǵanys isteri jónindegi departamentinde ótken eki kúndik oqý-ádistemelik jıynynda byl­tyr­ǵy jylǵy jastardy kúzgi ás­kerge shaqyrý kezeńi qorytyn­dy­lanyp, taldaý jasaldy. Sharaǵa qatysýshylarǵa QR QM ShBK uıymdastyrý-jumyl­dyrý jumystary departamen­ti­niń bastyǵy, polkovnık Qaırat Myńjanov bıylǵy jylǵy kezekti shaqyrylymǵa tapsyrma berip, áskerı mindettilerdiń qujatta­ryn jasaý jáne oqý jıyndaryn uıymdastyrýdyń negizgi talap­ta­ryn jetkizdi. – Jastardy Qarýly Kúshter qataryna sapaly túrde irikteý Qa­zaqstan armııasynyń jaýyn­ger­lik ázirligin joǵary deńgeıge kóterýge yqpal etedi, – dep atap ótti polkovnık Qaırat Myń­ja­nov. – О́tken jyldardaǵy áskerge shaqyrý naýqanynyń nátıjesi kór­setip otyrǵandaı, sapaly ót­ki­zilgen áskerge shaqyrý naýqany jaýyngerlik ázirliktiń de qar­qyndy ósýine ári tıimdiligine qol jetkizip otyr. Qazaqstan Respýblıkasynyń Qor­ǵanys mınıstri áskerge sha­qy­rýshylardyń bilim deńgeıiniń ós­kendigin birneshe ret atap ót­ken bolatyn. О́tken jyly ás­kerge sha­qyrylǵandardyń kóp bóligi jo­ǵary bilimi bar jastardan qu­ral­dy. Jıynǵa qatysýshylar áskerı basqarý organdary men jergilikti atqarý organdary arasyndaǵy óz­a­ra is-qımyldy, dárigerlik komıs­sııalardy qajetti  medısınalyq jab­dyqtarmen qamtamasyz etýdi, sondaı-aq  2011 jyly áskerı mindettilermen oqý jıyndaryn ót­kizý máselelerin talqylady. Dastan KENJALIN.