Bul soǵystyń zardaby Lıvııamen shektelmeıdi

AQSh, Fransııa, Ulybrıtanııa, Italııa bastaǵan batys­tyq koalısııanyń Lıvııa aýmaǵyna avıasııa men zymyrannan soqqy bere bastaǵanyna da bir aptaǵa jýyq ýaqyt ótti. Aldymen Lı­­­vııa­nyń kósemi Mýam­mar Kad­da­fıdiń óz hal­qyna qarsy kúsh qol­dan­ǵanyn, odan adam­dardyń qur­­ban bolǵanyn aı­yptap, qalaı da ony toq­ta­týdy jurt­­tyń kópshiligi qoldady. Tipti BUU Qaýipsizdik keńesiniń Lıvııa­nyń ústinen ushaq ushyrmaý jó­nin­degi qarary da soǵan baǵyt­talǵan edi. Biraq Kaddafıdiń op­pozısııaǵa qarsy áreketterin toq­tatýdyń birden bir durys joly bul elge shabýyl jasaý emestigin de jurt birden ańǵardy. Sóıtip, mine, koalısııanyń Lıvııaǵa qar­sy sha­býyly álem jurt­shy­lyǵy ara­­synda ártúrli baǵalanyp jatyr. Qazir koalısııa, ondaǵy jetekshi tulǵa AQSh óz áreketterin aq­taýǵa májbúr. Olar halyq­ara­lyq qaýymdastyqtyń sheshimin oryn­da­dyq deıdi. «Odısseıa. Tań­­sári» dep atalatyn opera­sııany senbi kú­ni bastap, Fransııa avıasııasy Lıvııa nysan­daryn bombalasa, AQSh pen Uly­brı­tanııa kemelerinen ár­qaı­sysy bir mıllıon dollar turatyn 110 «Tomagavk» zy­myrandary ushy­ryldy. Lıvııa­nyń qansha teh­nıkasy qıraǵanyn kim biledi, sol alǵashqy shabýyl­dan 64 adam qaza taýyp, 150 adam­nyń jaralanǵany anyqta­lyp otyr. Jalpy BUU qaýipsizdik keńe­siniń Lıvııaǵa qatysty qa­rarynyń ózi aıtarlyqtaı daýmen qabyl­dandy. Oǵan 10 el ǵana daýys berdi. Qytaı, Reseı, Germanııa, Ún­distan jáne Brazılııa qalys qal­ǵan. Al Reseı men Qytaıdyń bireýi qarsy bol­ǵanda, bul qarar qa­byldanbas edi. Biraq bul elder ózi­niń veto quqyn paıdalanbady. Áńgime sol qarardy júzege qalaı asy­rýda bolyp otyr. Kóp sa­rap­shy­lar, kóp eldiń bas­shy­la­ry Lı­vııany bom­ba­laýdyń ne­gizsiz bol­ǵa­nyn atap kór­­setti. Osy jerde RF premer-mınıstri Vladımır Pý­tınniń pikiri álem jurt­­­­­­shyly­ǵynyń naza­ryn aý­­dardy. Tipti onyń artyq­taý ket­­kenine prezıdent Med­vedev­tiń ózi túsinik­te­me berýge máj­búr boldy. Al­dymen Pýtın BUU qararyn or­taǵasyrlyq krest jo­ryǵyna shaqyrýmen te­ńes­tirdi. Onan soń bombalaýǵa baılanysty: «Beıbit turǵyn­dar­dy qorǵaý jeleýimen Lıvııa aýmaǵyn bom­ba­laǵanda, sol beıbit halyqtyń ózi qurban boldy, qısyn qaıda, ar-uıat qaıda? – eshqaısysy da joq», degen onyń sózi sirá jurt­tyń esinde qa­latyn shyǵar. Birden bombalaýǵa kóshpeı, qalaı da Kaddafıdi raıynan qaı­tarýdyń basqa jolyn izdestirý qa­jet edi degen pikirdi kóp adam aıtady. Ondaı jol bar ma edi? Paıdalanbaǵan jaıdy bar edi dep aıtý da qıyn. Sirá, endi bolǵan isti keıin qaıtara almaısyń. Koalısııa kúsh­­teri Lıvııanyń áskerı ny­sandaryna aıaýsyz soqqa berdi. Budan beıbit halyq ta qurban bolyp jatyr. Aldaǵy ýaqytta da bul soǵys jalǵasa túsetini anyq. Koalısııanyń kúshine kúsh qosylyp jatyr. Endi alda bul soǵystyń «jemisin» teretin kezeń keledi. Ol Lıvııamen shektelmeıdi. Onyń «ónegesi» basqa elderdi de shar­pıdy. Batys­tyń oppo­zı­sııa­ǵa kómek, qoldaý kórsetetinin is júzinde aıqyn sezingen basqa elderdegi bılikke qarsylar, olar­dyń ishinde árqıly eks­tremıster de bar, batyl áreket­terge kóshe bastady. Oǵan Iemendegi, Sı­rııadaǵy sońǵy oqı­ǵalar kýá. Álem qanquıly qaqty­ǵys­tar­dyń qarsańynda turǵandaı. Mamadııar JAQYP.