Shyǵys halyqtarynyń jańa jyly Qyzyljar óńirinde óz máninde atalyp ótti. Áz Naýryz oblys ortalyǵynyń barlyq shaǵyn aýdandaryn qamtydy. Ortalyq alańda ótken merekelik jıynda oblys ákimi Serik Bilálov bıyl ulyq merekeniń ulttyq naqyshta ótýine úlken mán berilgenin atap kórsetse, belgili aqyn-jerlesimiz Kákimbek Salyqov jyrdan shashý shashty. Toıǵa Reseıden aǵaıyndarymyz arnaıy keldi.
Naýryzdyń kórigin aqyndar aıtysy qyzdyrdy. Iriktelip shyqqan bes jup arasynan respýblıkalyq dodalarda jarqyrap kózge túsip júrgen kókshetaýlyq Álibek Serǵalıev bas júldeni jeńip aldy. Petropavldyq stýdent Jarqyn Juparhanǵa birinshi oryn buıyrdy. Ekinshi oryndardy esildik Jumabek Rahymov pen Ǵ.Músirepov aýdanynyń namysyn qorǵaǵan Qurmet Quralhan bólisti. Jeńimpazdar men júldegerlerge baǵaly syılyqtar tapsyryldy.
О́mir ESQALI, Soltústik Qazaqstan oblysy.