Mıssııa basshysymen áńgime

23 naýryz kúni Aqordada Memleket basshysy Nursul­tan Nazarbaev EQYU/DIAQB saılaýdy baıqaý jónindegi mıssııasynyń basshysy Daan Evertsti qabyldady, dep ha­barlady Qazaqstan Res­pýb­lıkasy Prezıdentiniń baspa­sóz qyzmeti. Áńgimelesý barysynda Qa­zaq­standa ótetin aldaǵy prezıdenttik saılaý máseleleri ta­l­qy­landy. – Bul mańyzdy kezdesý bol­dy. Men prezıdenttikke kórnekti kandıdat Nursultan Nazarbaevpen kezdestim. Bizdiń mıssııa­myz­dyń mindeti – Qazaqstandaǵy saılaý júıesin jaqsartý jáne saılaýdy ótkizý tájirıbesin baıqaý. Prezıdent aldaǵy saı­laý­dy ashyq, taza jáne ádil ba­ǵalaýǵa keńes berdi, – dedi jýrnalısterge arnalǵan brıfıngte D.Everts. Budan buryn habarlanǵanyn­daı, bıylǵy jylǵy 3 naýryzda «Nur Otan» HDP-nyń Ortalyq apparatynda bolǵanynda, Prezıdent belsendi saılaýaldy úgit-nasıhat jumystaryn júr­giz­beıtinin, al memlekettik saıa­satty iske asyrýda ózekti máse­le­lermen aınalysatynyn atap kórsetken bolatyn. Nursultan Nazarbaev sondaı-aq saılaýaldy kezeńde qoldanystaǵy zańnama­ny qatań saqtaý qajettigin atap ótken edi. Memleket basshysy bar­lyq deńgeıdegi ákimderdiń nazaryn saılaý zańnamasyn saq­taý qajettigine aýdarǵan. Bar­lyq memlekettik bılik organ­da­ry saılaý naýqanynyń barysy­na aralaspaı, tek óz isterimen shuǵyldanýlary kerek. Prezıdent Bas prokýratýraǵa zańnama­nyń saqtalýyn qadaǵalaýdy qam­tamasyz etýdi, saılaý tý­raly zańnamanyń buzylǵandyǵy jaıly shaǵymdar men ózge ótinishter týraly derekterge jedel nazar salyp, qandaı da bir quqyq buzshylyq derekteri oryn alǵan jaǵdaıda ony tez arada joıyp, bul rette prınsıpshildik tanytýlary qajettigi týraly tapsyrma bergen. Sony­men birge, Nursultan Nazarbaev Baılanys jáne aqparat mınıstrligine saılaýaldy úgit-nası­hat kezeńinde kandıdattardyń bu­qa­ra­lyq aqparat quraldaryna teń qoljetimdiligin qamtamasyz etýdi tapsyrǵan. Memleket bas­shy­sy saılaýǵa baıqaý júrgizýdi jáne qoǵamdyq baıqaýdy qam­tamasyz etý qajettigin atap ótken. Sýretti túsirgender S.BONDARENKO, B.OTARBAEV