Qazaq tili men ádebıeti mamandary bilim jarystyrdy

Elimizde osymen úshinshi jyl qatarynan stýdentter arasynda qa­zaq tili men ádebıetinen res­pýblı­kalyq olımpıada ótkizilip keledi. Bıylǵy bilim saıysyna 20  joǵary oqý ornynyń stýdentteri qatysty. Bul olımpıada – Ulystyń uly kúni qarsańynda S.Demırel atyndaǵy qazaq-túrik ýnıversıtetinde uıymdastyryldy. Elimiz­diń ár óńirinen kelgen bolashaq qa­­zaq tili men ádebıetiniń maman­dary eki kún boıy bilim ja­rystyrdy. Olımpıadaǵa qatysqan 20 jo­ǵary oqý ornynyń  ishinen L.N.Gý­mılev atyndaǵy Eýrazııa ulttyq ýnıversıteti ozyq shyǵyp, birinshi oryndy jeńip aldy. Ekinshi, úshin­shi oryndardy Ál-Farabı atyn­daǵy Qazaq ulttyq ýnıversıtetiniń jáne Sh.Ýálıhanov atyndaǵy Kók­she­taý memlekettik ýnıversıtetiniń ko­man­dalary ıelendi. Al Abaı atyn­­daǵy Qazaq ulttyq peda­gogı­kalyq,  I.Jansúgirov atyndaǵy Jetisý mem­lekettik, Qazaq memlekettik qyz­dar pedagogıkalyq, S.Toraı­ǵy­rov atyndaǵy Pavlodar memlekettik ýnıversıtetteriniń koman­da­lary da jetken jetistikteri úshin túrli syılyqtarmen marapattaldy. Jekelegen stýdentter ara­syn­da Ál-Farabı atyndaǵy Qazaq ulttyq ýnıversıtetiniń stýdenti Meırambek Taýbaldıev múmkin bolǵan 100 balldan 68,7 upaı jınap, úzdik shyqty. Ekinshi oryndy L.N.Gýmılev atyndaǵy Eýrazııa ulttyq ýnıversıtetiniń stýdentteri Janbolat Shákimov pen Jazıra Qalyqova, úshinshi oryndy Abaı atyndaǵy Qazaq ulttyq pe­da­gogıkalyq ýnıversıtetiniń stýdenti Naǵıma Seıilhanova, I.Jan­súgirov atyndaǵy Jetisý memlekettik ýnıversıtetiniń stýdenti Nurjanat Orazhanqyzy, Sh.Ýá­lı­hanov atyndaǵy Kókshe­taý memlekettik ýnıversıtetiniń stýdenti Ásel Jaısańbaeva ıelendi. Aınash ESALI, Almaty.