Bizdiń depýtattyq saýalymyzǵa elimizdegi balyq sharýashylyǵy salasynda qalyptasyp otyrǵan ahýal negiz bolyp otyr.
Bul saladaǵy problemalar buryn da depýtattyq saýaldarda kóterilgen bolatyn, alaıda bizdiń saılaýshylar tarapynan jıi kóterilýine baılanysty osy máselelerdiń taǵy da muqııat qaralǵanyn qalaımyz.
Saılaýshylar óz ótinishterinde bizdiń sý qoımalarynda, atap aıtqanda, Balqash kólinde balyq kúnnen-kúnge azaıyp bara jatqanyna, al Zaısan kólinde balyq múldem qalmaǵanyna shaǵymdanýda.
Bul kólderde uzyna boıy qytaılyq aýlar tartylǵan, onda tipti usaq balyqtyń (shabaqtyń) ózi ólip qalady. Mundaı aýlardy paıdalanýǵa tyıym salynǵan, biraq osyǵan qaramastan, balyq qorǵaý organdary tarapynan baqylaýdyń jetkiliksizdigi saldarynan olardy qoldaný is júzinde toqtatylmaı otyr.
Joǵaryda aıtylǵandarǵa baılanysty, Aýyl sharýashylyǵy mınıstrligine mynadaı saýaldar baǵyttaımyz:
1. Balqash jáne Zaısan kólderinde balyq aýlaýdyń ǵylymı negizdelgen lımıti qoldanyla ma?
2. Atalǵan kólderdegi sońǵy 10 jyldaǵy balyq qorynyń dınamıkasy qandaı?
3. Osy sý qoımalarynda balyq resýrstary qorlarynyń qalpyna kelýine múmkindik týǵyzý úshin olarda kásiptik balyq aýlaýdy tolyǵymen nemese ishinara shekteıtin ýaqyt jetti me? Osy úshin Aýyl sharýashylyǵy mınıstrligi qandaı sharalar qabyldaýda?
Erlan NYǴMATÝLIN, Májilis depýtaty.