О́nerde de óreli

Prezıdenttikten úmitker saılaý máresi jaqyndaǵan saıyn óziniń san qyrly qabilet-darynyn asha túsýde. О́tken senbide QazUÝ-diń О́.Joldasbekov atyndaǵy Stýdentter saraıynda ótken «Ǵanı Qasymov dostaryn shaqyrady» atty án keshi osy jaıdy taǵy bir aıǵaqtady. Úmitkermen kezdesýge ýnıversıtet stýdentteri ǵana emes, sonymen birge, soǵys jáne eń­bek ardagerleri, Aýǵan­standaǵy urys qımyldaryna qatysý­shy­lar, qala turǵyndary kóptep keldi. Ǵanı Esengeldiulyn zal­daǵy qaýym dý qol shapalaqtap qarsy aldy. Kezdesýdi uıym­das­tyrǵan T.Júrgenov atyn­da­ǵy Qazaq ulttyq óner aka­demııasy sahnaǵa tanymal jas ánshiler men mýzykanttardy shy­ǵardy. Aıtalyq, halyq­ara­lyq kon­kýrstardyń laýreaty Qaırat Túntekov, tamasha tól­týma án­der­diń avtory ári oryn­daý­shysy Aıdarbek Dúısebaev, jı­yr­ma jylǵa jýyq es­tra­da­myzǵa kórik berip júrgen sazger ánshi Erlan Kókeevter kóp­shiliktiń qurmet-súıispen­shi­li­gi­ne bólenip júrgen óner­paz­dar. Osynaý ánshiler myna merekelik jıynǵa jınalǵan qaý­ymǵa «qulaqtan kirip boıdy alar», bulbul kómeıden syl­dy­raı quıylǵan taza bulaqtaı óz daýystaryn syılady. Ǵanı aǵa­lary olardyń ánderin yqy­las­pen tyńdap, óner akade­mııasyna elimizdiń ártúrli óńir­lerinen shynaıy daryn­dardyń jınal­ǵan­dyǵyn atap kórsetti. Depý­tattyqqa kandıdat sol daryn­dy jastardyń kóbimen jaqsy tanys, olardyń daıyn­dyqta­ryn­da da bolyp júredi. Sahnaǵa belgili ánshi Tol­qyn Zabırovanyń shyǵýy zal­daǵy merekelik kóńil kúıdiń qýanyshyn sharyqtata tústi. Tolqyn áli umytyla qoımaǵan «Eki juldyz» jobasyndaǵy sııaq­ty, qosylyp shyrqaý úshin Ǵanekeńdi sahnaǵa shaqyryp, jurt­ty máz etti. Qosyla shyr­qalǵan án kemeldik pen jas­tyqty, saıasatker men ánshini bo­lashaqqa birlese umtyl­dyr­ǵandaı biriktirip turdy. Ál­bette, ónerde de úlken óre ta­nyt­qan úmitker úshin qazaq­stan­dyqtardyń saıasattaǵy, ekono­mı­ka nemese mádenıettegi múd­deleri birdeı ortaq ekeni osy án keshinde de jarqyrap kórindi. Qorǵanbek AMANJOL. Almaty. -------------------------------- Sýretti túsirgen Iýrıı BEKKER.