Qazaqstan Respýblıkasy Ulttyq Bankiniń resmı habary

Almaty, 2011 jylǵy 29 naýryz ESKERTKISh MONETALARDY AINALYSQA ShYǴARÝ TÝRALY «Qazaqstan Respýblıkasynyń Ulttyq Banki týra­ly» 1995 jylǵy 30 naýryzdaǵy Qazaqstan Res­pýb­lı­kasynyń № 2155 Za­ńy­na sáıkes Qazaqstan Respýblı­ka­sy­nyń Ulttyq Banki 2011 jylǵy 29 naý­ryzda «Ǵarysh» monetalar serııasynan «Tuńǵysh ǵaryshker» - nomınaly 500 teńgelik «pro­of» sapasymen bıko­lor­ly jáne nomınaly 50 teńgelik neızılber qospa­sy­nan, «Shy­ǵys kúntizbesi» monetalar serııasynan «Qo­ıan jyly» nomınaly 500 teńgelik «pro­of» sapasymen kúmisten jáne altyn­nan jasalǵan, Shanhaı ynty­maq­tastyq uı­ymynyń 10 jyldyǵyna arnalǵan nomı­na­ly 500 teńgelik «proof» sapasymen kú­mis­ten jasalǵan eskertkish monetalardy aınalysqa shyǵarady. «Tuńǵysh ǵaryshker» monetalarynyń sıpattamasy Neızılber qospasynan jáne bıkolorly moneta­lar­dyń ekeýiniń de bet jáne syrt jaqtaryndaǵy sýretteri birdeı. «Proof» sapasymen jasalǵan bıko­lor­ly monetadaǵy beıne aına tárizdi betke orna­las­tyrylǵan. Bıkolorly (qurama) monetanyń pishini sheńber tárizdes, konsentrasııaly túrde ornalasqan saqına jáne dıskiden turady. Monetanyń ishki dıski kúmis­ten, syrtqy saqınasy tantaldan jasalǵan. Monetalardyń bet jaǵyna (aversine) ortada adam men ǵalamnyń birligin, ótken kún men búginginiń ba­ılanysyn bildiretin kompozısııa beınelengen. Oń jaq bóliginde monetanyń nomınaly (bıkolorly monetada «500 TEŃGE», neızılber qospasynan jasalǵan monetada «50 TEŃGE») ornalasqan. Nomınaldan tó­men Qazaqstan teńge saraıynyń taýar belgisi bar (bı­ko­lor­ly monetada eki jolǵa ornalastyrylǵan jáne moneta daıyndalǵan metaldy, onyń synamyn jáne mas­sa­syn bildiretin «Ag 925 16,7 gr. Ta 24 gr.» degen jazba). Monetany aınaldyra memlekettik tilde «QA­ZAQ­STAN RESPÝBLIKASY» jáne aǵylshyn tilinde «RE­­PUBLIS OF KAZAKHSTAN» degen sózder jazylǵan. Monetalardyń syrt jaǵynda (reversinde) ortada ǵaryshqa ushqanyna 2011 jyly 50 jyl tolatyn tuń­ǵysh ǵaryshker Iý.A. Gagarınniń beınesi. Sol jaq bó­liginde – «Vostok» jer serigi kemesiniń sýreti Jer sha­ryn qorshaǵan orbıtada beınelengen, ǵaryshqa Jer­den tuńǵysh ret adam ushyrylǵan jyldy jáne monetanyń soǵylǵan jylyn bildiretin «1961-2011» degen jazý bar. Aınaldyra memlekettik tilde «TUŃ­ǴYSh ǴARYShKER» degen jazý, Iý.A.Gaga­rınniń qol­tańbasynyń beınesi jáne orys tilinde «PERVYI KOSMONAVT» degen jazba. Monetanyń bet jaǵyndaǵy jáne syrt jaǵyndaǵy beıneler jáne jazbalar bederlengen. Eskertkish monetalar: 1) bıkolorly oryndalǵan, massasy 24 gramm tantaldan saqına, dıskisi 925/1000 synamdy kúmisten, massasy 16,7 gramm, dıametri – 38,61mm., «rroof» sapasymen jasalǵan, taralymy – 5 myń dana. Qyry (gýrty) bederli; 2) aq tústi «neızılber» qospasynan jasalǵan, dıametri – 31 mm., massasy – 11,17 gramm, taralymy – 50 myń dana, qyry (gýrty) bederli. «Qoıan jyly» monetalarynyń sıpattamasy Monetalardyń pishini on eki qyrly. Kúmisten jáne altynnan jasalǵan monetalardyń ekeýiniń de bet jáne syrt jaǵyndaǵy sýretteri birdeı. Monetalardyń bet jaǵynda (aversinde) ortalyq bó­­liginde aspan áleminiń juldyzdar kartasy juldyz­da­ry­nyń mıfologııalyq sımvoldary beınelengen jáne moneta daıyndalǵan metaldy, onyń synamyn jáne massasyn bildiretin jazba (kúmisten jasalǵan monetada - «Ag 925 31,1 gr.», altynnan jasalǵan monetada – «Au 999 7,78 gr.») ornalastyrylǵan. Monetanyń jıegin aınaldyra jalpaq kúńgirt jıek júrgizilgen, onyń ústine aınaldyra monetanyń nomınalyn bildiretin «500 TEŃGE» degen oıyńqy jazýy bar qaýsyr­ma, memlekettik tilde «QAZAQSTAN RESPÝB­LIKASY», aǵylshyn tilinde «REPUBLIC OF KA­ZAKH­STAN» degen oıyńqy jazý jáne kúnniń stıldendirilgen beınesi ornalastyrylǵan. Monetalardyń syrt jaǵynda (reversinde) ortalyq bólikte shyǵys kúntizbesi boıynsha 2011 jyldyń sım­voly – qoıan beınelengen. Qoıannyń ústinde Qa­zaqstan teńge saraıynyń taýar belgisi ornalasty­ryl­ǵan. Monetanyń jıegin aınaldyra jalpaq kúń­girt jıek júrgizilgen, onyń ústine aınaldyra mo­ne­tanyń soǵylǵan jylyn bildiretin «2011» degen oı­yń­qy jazýy bar qaýsyrma, memlekettik tilde «ShY­ǴYS KÚNTIZBESI», orys tilinde «VOSTOChNYI KALENDAR» jáne aǵylshyn tilinde «ORIENTAL CALENDAR» degen oıyńqy jazý ornalastyrylǵan. Kúńgirt jıektiń ishki jaǵynda shyǵys kúntizbesiniń qalǵan on bir sımvoly ornalastyrylǵan. Monetalardyń bet jaǵyndaǵy jáne syrt jaǵyn­daǵy sýretter jáne jazbalar bederlengen. Eskertkish monetalar: 1) 925 synamdy kúmisten jasalǵan, massasy 31,1 gramm, sıpattalǵan sheńber dıametri – 38,61mm, daıyndalý sapasy – «proof», taralymy - 5 myń dana, qyry (gýrty) tegis, bedersiz, jazýy joq; 2) 999 synamdy altynnan jasalǵan, massasy 7,78 gramm, sıpattalǵan sheńber dıametri – 21,87 mm, daıyndalý sapasy – «proof», taralymy – 3 myń dana, qyry (gýrty) tegis, bedersiz, jazýy joq. ShYU 10 jyldyǵyna arnalǵan monetanyń sıpattamasy Monetanyń bet jaǵynda (aversinde) joǵary bóli­ginde bes qabattap buralǵan segiz buryshty órnekti rozetkamen kómkerilgen Qazaqstan Respýblıkasynyń eltańbasy beınelengen jáne memlekettik tilde «QAZAQSTAN ULTTYQ BANKI» degen jazý bar. Tómengi bóliginde – monetanyń nomınalyn bildiretin «500 TEŃGE» degen jazý. Nomınaldyń sol jaǵynda Qazaqstan teńge saraıynyń taýar belgisi jáne mone­tanyń massasyn bildiretin «31,1 gr.» degen jazý, oń jaǵynda – moneta daıyndalǵan metaldy jáne onyń synamyn bildiretin «Ag 925» degen jazý bar. Mo­netany aınaldyra monshaq tárizdes jıek júrgizilgen. Monetanyń syrt jaǵynda (reversinde) ortalyq bó­liginde Shanhaı yntymaqtastyq uıymynyń emble­ma­sy ornalasqan. Aınaldyra memlekettik tilde «ShAN­HAI YNTYMAQTASTYQ UIYMYNA 10 JYL» degen jazý jáne ShYU qurylǵan jyldy jáne monetanyń soǵylǵan jylyn bildiretin «2001-2011» degen jazý bar. Monetanyń bet jáne syrt jaǵyndaǵy beıneler men jazýlar bederlengen. Moneta 925 synamdy kúmisten jasalǵan, massasy – 31,1 gramm, dıametri – 38,61mm, «proof» sapasymen daıyndalǵan, taralymy – 4 myń dana, qyry (gýrty) bederli. Nomınaldary 500 teńgelik jáne 50 teńgelik eskertkish monetalar Qazaqstan Respýblıkasynyń bú­kil aýmaǵynda kórsetilgen qunymen tólemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýb­lı­ka­synyń barlyq bankterinde shekteýsiz usaqtalady jáne aıyrbastalady. Qazaqstan Respýblıkasy Ulttyq Bankiniń osy resmı habarǵa túsiniktemesi «Ǵarysh» serııasynan «Tuńǵysh ǵaryshker» eskertkish monetalary ǵaryshty zertteý jáne ǵalam­nyń qupııalaryn ıgerý tarıhyndaǵy aıtýly oqıǵa­lar­ǵa arnalǵan serııany jalǵastyratyn kúmisten/tantaldan jasalǵan monetalardyń jáne neızılber qospasynan jasalǵan monetalardyń altynshy juby bolyp tabylady. 1961 jylǵy 12 sáýirde Keńes Sovettik Sosıalıstik Respýblıkalar Odaǵynyń azamaty ushqysh maıor GAGARIN Iýrıı Alekseevıch «Vostok» jer serigi kemesinde álemde tuńǵysh ret ǵaryshqa ushty. Moneta osy oqıǵanyń 50 jyldyǵyna arnalǵan. Eskertkish bıkolorly (qurama) moneta áýeǵarysh ónerkásibinde keńinen paıdalanylatyn metall - tantaldy qoldana otyryp daıyndaldy. «Qoıan jyly» eskertkish kúmis jáne altyn monetalar «Shyǵys kúntizbesi» jańa monetalar serııasyn ashady. Shyǵys kúntizbesi boıynsha 2011 jyldyń 3 aqpanynan bastap Qoıan jyly kirdi. Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýa­shy­lyq júrgizý quqyǵy bar respýblıkalyq memlekettik kásiporny daıyndaǵan. Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi – ulttyq valıýta banknottary men monetalary dızaınynyń tujyrymdamasyna sáıkes ázirlengen. «Proof» sapasymen jasalǵan eskertkish kúmis monetalar kolleksııalyq quny boıynsha satýǵa arnal­ǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. Neızılber qospasynan jasalǵan eskertkish mone­ta­lardyń árqaısysynan bir myń danadan arnaıy plastıkalyq termovakýýmdy oraýmen satýǵa arnap shyǵaryldy. Monetalardy Qazaqstan Respýblıkasy Ulttyq Bankiniń barlyq fılıaldarynda, Almaty qalasynda myna meken-jaı boıynsha satyp alýǵa bolady: Panfılov kóshesi, 98. Anyqtama úshin telefony (727) 273-83-98.