Májilis bıýrosynyń otyrysy ótti

Keshe Parlament Máji­li­si­niń Tóraǵasy Oral Muhamed­ja­novtyń jetekshiligimen palata bıýrosynyń kezekti oty­rysy ótti. Onda Májilistiń jal­py otyrysyna shyǵary­la­tyn máseleler saralandy. Palatanyń Halyqaralyq ister, qorǵanys jáne qaýipsizdik komıteti depýtattardyń talqysyna eki zań jobasyn usyndy. Atap aıtqanda, «Belarýs Respýblı­ka­sy­nyń, Qazaqstan Respýblıkasy men Reseı Federasııasynyń mu­naı men munaı ónimderiniń ortaq naryǵyn uıymdastyrý, basqarý, olardyń jumys isteý jáne damý tártibi týraly kelisimdi ratıfıkasııalaý týraly» jáne «Baǵa belgileý men tarıftik saıasat negizderin qosa alǵanda, gaz tasymaldaý júıeleri boıynsha gaz tasymal­daý salasyndaǵy tabıǵı monopolııalar sýbektileriniń qyzmet­teri­ne qol jetkizý qaǵıdasy týraly kelisimdi ratıfıkasııalaý týraly» zań jobalary bar. Áleýmettik-mádenı damý komıteti Eńbek kodeksine túzetýler engizýdi kózdeıtin zań jobasymen  ju­mysty  jalǵastyrý qajettigin aı­typ otyr. Al Qarjy jáne bıýd­jet komıteti elimizdiń keıbir zań­na­ma­lyq aktilerine elektrondy aqsha máseleleri boıynsha tolyqtyrýlar engizýdi qarastyratyn  zań jo­basyn ekinshi oqylymǵa daıyndady. «Egemen-aqparat».