Bombalaýdy toqtatýdy talap etti

Lıvııa basshysy Mýamar Kaddafı álemdik qoǵam­das­tyq­qa óz elindegi áskerı operasııany toqtatýdy talap etip qaıyryldy. Halyqaralyq koalısııaǵa qaty­sý­shy elder basshylaryna joldaǵan hatynda ol koalısııa ás­ker­le­riniń is-qımylyn «taǵylyq shabýyl» dep atady. Keshe Londonda Lıvııadaǵy jaǵdaıǵa arnalǵan sammıt bo­lyp ótti. Oǵan 7 arab memleketin qosqanda 35 el qa­tys­ty. Jınal­ǵandarǵa úndeýinde M.Kaddafı NATO-nyń avıasoq­qy­la­ryn ekinshi dúnıejúzilik soǵys kezindegi Adolf Gıtlerdiń is-áreketterimen salystyrdy. Burnaǵy kúni Kaddafı kúshteri qarýly oppozısııanyń alǵa umty­lysyna Sırt qalasynyń mańaıynda tosqaýyl qoıdy. SAIаSI JOLMEN ShEShÝGE  ShAQYRDY Germanııa syrtqy ister mınıstri – vıse-kansler Gıdo Vestervelle Lı­vııa­daǵy janjaldy saıası jolmen shesh­ken jón degen pikir bildirdi. Ves­ter­vel­le­niń sózine qaraǵanda, Lıvııa máselesin tek áskerı tásilmen sheshý múmkin emes. Ol Fransııa prezıdenti Nıkolıa Sar­ko­zıdiń aıtqan­daryn syn tezine aldy. N.Sarkozı arab mem­le­ket­teriniń basshylaryna el turǵyndaryna qarsy repressııalyq áre­ket­ter oryn alǵan jaǵdaıda halyqaralyq qoǵamdastyq pen Eýropa Lıvııadaǵy sııaqty áreketke kóshýi yqtımal degen tur­ǵyda eskertý-symaq jasaǵan bolatyn. Germanııa SIM-i bas­shy­synyń pikirinshe, bul – óte qaýipti ustanym. AMERIKA HALQYNA ÚNDEÝMEN ShYQTY AQSh prezıdenti Barak Obama el halqyna tele­úndeýmen shyqty. Onda ol Qurama Shtattardyń Lıvııa­daǵy áskerı ope­rasııaǵa qatysýdaǵy maqsatyn túsindirýge tyrysty. Onyń só­zine qaraǵanda, qalyp­tasqan jaǵdaıda AQSh-tyń Lıvııadaǵy operasııaǵa qatysýdan bas tartýy satqyndyq bolyp shyǵar edi. «Keıbir elder ózge memleketterde bolyp jatqan zulym­dyqtarǵa kóz jumyp qaraýy múmkin. Alaıda Amerıka Qu­rama Shtattary ondaı memleketter sanatynan emes, – dep má­lim­dedi AQSh prezıdenti. – Halyqaralyq koalısııanyń Lıvııa­da­ǵy is-qımyly búkil óńir turaqtylyǵyna qaýip tóndirgen qyr­qysqa tosqaýyl qoıdy». Sondaı-aq ol M.Kaddafıdiń qarýǵa júginýin qate qadam boldy dep esepteıtinin kóldeneń tartty. SIRIIа PREZIDENTI ÚKIMET AÝYSTYRMAQ Sırııa prezıdenti Bashar Asad ta­ıaý­daǵy táýlikter ishinde eldiń is ba­syn­daǵy úkimetin otstavkaǵa ketirý týraly sheshim qabyldady. Al jańa ka­bınet es­kisi ketisimen bir táýlik ishinde qaıta jasaq­tal­maq. Bul ja­ńa­lyq Sırııada onshaqty kún­nen beri jalǵasyp jat­qan tár­tip­sizdikter barysynda jarııa etildi. Saıası júıeni demokratııalandyrý týraly uran kó­ter­gen­derdiń narazylyq aksııalary Daraa qalasynda bastaý alsa, bul úderis kóp keshikpeı el astanasy – Damaskini qosa alǵanda basqa qalalarǵa da  taraǵan bolatyn. Polısııamen qaq­tyǵys kezinde ondaǵan adam kóz jumsa, júzdegeni ja­ralanǵan edi. Osydan soń-aq bılik jedel túrde saıası jáne eko­nomıkalyq reformalar jasaıtynyn habarlaǵan bo­latyn. ShEKARADAǴY SELONY BО́LISE ALMAÝDA Abhazııa Reseı usynǵan shekarany delımıtasııalaý jáne demarkasııalaý nusqasyna qarsy shyqty. Sýhýmıdi Reseı jo­ba­syndaǵy Aıbga selosynyń abhazdyq bóliginiń Reseı aýmaǵ­yna jatqyzylǵany qanaǵattandyrmaı otyr. Bul jóninde Abhazııa parlamentiniń vıse-spıkeri Irına Agrba málimdedi. Abhazııa ýaqyt aǵynymen kópten beri tek aýmaǵy ja­ǵy­nan ta­rylyp keledi. Sondyqtan jer máselesi abhaz qoǵamy úshin óte úlken jan aýyrtarlyq másele bolyp tabylady. Bizdiń senimimiz ben dos­tyq qatynasymyzdy synaqqa sa­lý­ǵa bolmaıdy, dep málimdedi atal­ǵan problemaǵa baıla­ny­sty vıse-spıker. Abhaz halqy sheka­ranyń Kras­nodar ólkesimen shektesetin burynǵy kúıinde qalǵanyn qalaıdy. ShETELDIK TELEHABARLARǴA ShEKTEÝ QOIMAQ Qyrǵyzstan parlamentinde shetel te­learnalarynyń habarlaryn kór­se­týge shekteý engizý týraly usynys aı­tyldy. Bul shekteý, ásirese, eldegi saı­laý ke­zeńinde erekshe nazarda bolýy tıis, deıdi parlamenttegi oppo­zı­sııalyq depýtat, «Ata-Meken» par­tııa­synyń kósemi О́mir­bek Tekebaev. Onyń aıtýynsha, Qyrǵyzstandaǵy saı­laý ýaqytynda shetel baǵdar­la­ma­la­ryn tikeleı efırden kórsetý múldem toqtatylýy tıis. Keı jaǵdaılarda tek jazý arqyly translıasııalaýǵa bolady. Eger sheteldik te­le­baǵ­dar­la­mada saılaýǵa qa­tysýshy­lar­dyń nemese el basshylyǵy ókil­deriniń ar-na­mysyna tıetin máli­met­ter kezdesetin bolsa, onda baǵ­dar­la­malar ekranǵa múldem jiberilmeýi tıis. JASAQTAR BAZASYNA AVIASOQQY BERILDI Reseı áskerı-áýe kúshteri Ingýshetııadaǵy qarýly ja­saqtar bazasyna dáldengen avıasoqqylar jasady. Avıa­sha­býyl nátıjesinde 17 jasaqtyń kózi joıylǵan. Ulttyq antıterrorlyq komıtet (UAK) aqparatyna qaraǵanda, bazada terrorshy-jankeshtiler daıyndyqtan ótedi eken. UAK ókilderiniń sózderinshe, bazada daıyndalǵandar Sol­tústik Osetııa men Ingýshetııa avtonomııalarynyń aýmaq­tarynda lańkestik jasaýdy josparlasa kerek. Biraq olardyń áre­ketteri júzege aspaı qalǵan. Al qarýly jasaqtar baza­synyń naqty qaı jerde ornalasqany týraly naqty derek joq. Tek operasııa barysynda federaldy qaýipsizdik qyzmetiniń eki qyzmetkeri men bir mılısıoner de kóz jumǵan. QYSQA QAIYRYP AITQANDA: Germanııa kansleri Angela Merkeldiń partııasy Baden-Vıýrtemberge jáne Reınland-Pfalse jerlerinde bolǵan saılaýlarda jeńilis tapty. Sóıtip, GFR Hrıstıan-demo­kra­tııa­lyq odaǵy úkimet jasaqtaý múmkindiginen aıyryldy. Bılik basynda 58 jyl bolǵan HDO endi oppozısııaǵa ketýge májbúr bolyp otyr. GFR-diń burynǵy kansleri Gelmýt Kol Germanııadaǵy atom energetıkasyn qorǵap pikir bildirdi. Onyń aıtýynsha, búgingi tańda AES-terge balama tabý múmkin emes. Tek olardyń qaýipsizdigine basa mán berilýi kerek. Iemenniń Djaar qalasy mańyndaǵy qarý-jaraq zaýytynda bolǵan jarylys pen órt saldarynan qaza tapqandar sany 150 adamǵa jetti. 80 adam túrli deńgeıde dene jaraqatyn aldy. Keıbir derek kózderi atalǵan qalany «Ál-Kaıda» jasaqtary basyp aldy degen habar taratyp otyr. Internet materıaldary negizinde ázirlendi.