2011 jylǵy 9 naýryz Astana qalasy
Qazaqstan Respýblıkasynyń jalpy bilim beretin oqý oryndary oqýshylarynyń emtıhandaryn ótkizý jáne 2010 - 2011 oqý jylyn aıaqtaý týraly
2010-2011 oqý jylyn uıymdasqan túrde aıaqtaý jáne Qazaqstan Respýblıkasy jalpy bilim beretin oqý oryndary oqýshylarynyń kóshirý men bitirý emtıhandaryn ótkizý maqsatynda buıyramyn:
1. Oqý jylyn aıaqtaý jáne bitirýshi synyptardyń oqýshylarynyń qorytyndy attestattaýyn ótkizý mynadaı tártipte belgilensin:
1) barlyq tıptegi jalpy bilim beretin kúndizgi jáne keshki (kezekti) oqý oryndaryndaǵy mektepaldy, 1-11(12)- synyptarda oqý sabaqtary 2011 jylǵy 25 mamyrda aıaqtalady;
2) 9(10)-synyp oqýshylaryn negizgi orta bilim kýrsy boıynsha qorytyndy attestattaý 2011 jylǵy 30 mamyr – 16 maýsym kúnderinde, 11-synyp oqýshylaryn jalpy orta bilim kýrsy boıynsha qorytyndy attestattaý 2011 jylǵy 31 mamyr – 20 maýsym kúnderinde ótkiziledi;
3) 9(10)-synyp bitirýshileri negizgi orta bilim kýrsy boıynsha úsh mindetti emtıhan tapsyrady:
ana tili men ádebıetinen (oqytý tili) jazbasha emtıhan – 30 mamyrda (gýmanıtarlyq pánderdi tereńdete oqytatyn mektepterdiń jáne gımnazııalardyń oqýshylary – shyǵarma, qalǵandary – dıktant jazady);
algebradan jazbasha emtıhan – 2 maýsymda;
orys, ózbek, uıǵyr, tájik tilderinde oqytatyn mektepterdegi memlekettik tilden aýyzsha emtıhan – 6 maýsymda;
qazaq tilinde oqytatyn mektepterdegi orys tilinen aýyzsha emtıhan – 6 maýsymda;
Negizgi orta bilim berý uıymy bitirýshisiniń tańdaýyna kez kelgen pánnen aýyzsha emtıhan tapsyrý usynylady, biraq 2 pánnen artyq bolmaýy qajet.
4) aǵymdaǵy oqý jylynda Qazaqstan Respýblıkasynyń joǵary oqý oryndaryna oqýǵa túskisi keletin jalpy orta bilim berý uıymdarynyń 11 (12)-synyptaryn bitirýshiler memlekettik qorytyndy attestattaýdy ulttyq biryńǵaı testileý (UBT) nysanynda tapsyrady.
О́zbek, uıǵyr jáne tájik tilderinde oqytatyn mektepterdiń bitirýshileri óz qalaýlary boıynsha UBT-di memlekettik nemese orys tilinde tapsyrýǵa qatysa alady.
Oqý bitirgen jyly respýblıkanyń joǵary oqý oryndaryna oqýǵa túsýdi jáne UBT-ge qatysýdy qalamaıtyn jalpy orta bilim berý uıymdarynyń 11(12) synyp bitirýshileri tórt mindetti emtıhandardy myna merzimderde tapsyrady:
orys, ózbek, uıǵyr jáne tájik tilderinde oqytatyn mektepterdegi memlekettik tilden aýyzsha emtıhan – 31 mamyrda;
qazaq tilinde oqytatyn mektepterdegi orys tilinen aýyzsha emtıhan – 31 mamyrda;
ana tili men ádebıetinen (mekteptegi oqytý tili) shyǵarma túrinde jazbasha emtıhan (keshki jalpy bilim beretin mektepter úshin – dıktant) – 4 maýsymda;
algebra jáne analız bastamalarynan jazbasha emtıhan – 8 maýsymda;
Qazaqstan tarıhynan aýyzsha emtıhan – 11 maýsymda.
Bitirýshiniń tańdaýyna kez kelgen, 2-den artyq emes pánderden aýyzsha emtıhan tapsyrý usynylady.
2. Oblystyq, Almaty jáne Astana qalalarynyń bilim basqarmalary jalpy orta bilim berý uıymdarynda 2010-2011 oqý jylyn osy buıryqtyń talaptaryna, Qazaqstan Respýblıkasy Bilim jáne ǵylym mınıstriniń 2008 jylǵy 18 naýryzdaǵy №125 buıryǵymen bekitilgen (normatıvtik quqyqtyq aktilerdi memlekettik tirkeý Tiziliminde №5191-men tirkelgen, «Zań gazeti» gazetiniń 2008 jylǵy 30 mamyrdaǵy №81 (1481) sanynda jarııalanǵan) Bastaýysh, negizgi orta, jalpy orta bilimniń bilim beretin oqý baǵdarlamalaryn iske asyratyn bilim berý uıymdaryndaǵy bilim alýshylardyń úlgerimine aǵymdyq baqylaýdyń, olardy aralyq jáne qorytyndy attestattaýdyń úlgi erejesine sáıkes aıaqtaýdy qamtamasyz etsin.
3. Almaty, Jambyl jáne Ońtústik Qazaqstan oblystarynyń, Almaty qalasynyń bilim basqarmalary ózbek, uıǵyr jáne tájik tilderinde oqytatyn mektepter úshin jazbasha bitirý emtıhandaryn ótkizýge arnalǵan emtıhandyq materıaldardy ýaqytynda daıyndasyn.
4. Mektepke deıingi jáne orta bilim departamenti (B.S.Kárimjanov):
1) respýblıkalyq bilim uıymdarynyń 9(10) jáne 11(12)-synyptaryn bitirýshileri úshin jáne ózbek, uıǵyr, tájik tilderinde oqytatyn mektepterdiń «Altyn belgi» jalpy orta bilim týraly attestat alýǵa úmitker 11-synyp bitirýshileri úshin ana tili men ádebıetinen shyǵarma taqyryptaryn, qazaq tili men ádebıetinen, orys tili men ádebıetinen, matematıkadan emtıhandyq tapsyrmalar paketterin daıyndasyn;
2) qazaq tili men ádebıetinen shyǵarma taqyryptaryn TMD elderiniń jáne Mońǵolııanyń Bilim mınıstrlikterine jetkizsin;
3) shyǵarma taqyryptaryn jarııalaý úshin «Qazaqstan muǵalimi» jáne «Ýchıtel Kazahstana» gazetteriniń redaksııalaryna usynsyn;
4) osy buıryqtyń belgilengen tártippen Qazaqstan Respýblıkasynyń Ádilet mınıstrliginde memlekettik tirkelýin qamtamasyz etsin;
5) osy buıryqty memlekettik tirkeýden ótkizilgennen keıin buqaralyq aqparat quraldarynda jarııalasyn.
5. Osy buıryqtyń oryndalýyn baqylaý vıse-mınıstr M.N.Sarybekovke júktelsin.
6. Osy buıryq alǵash ret resmı jarııalanǵanynan on kúntizbelik kún ótkennen keıin qoldanysqa engiziledi.
Mınıstr B.JUMAǴULOV.
Buıryq Qazaqstan Respýblıkasynyń Ádilet mınıstrliginde 2011 jylǵy 18 naýryzda Normatıvtik quqyqtyq kesimderdi memlekettik tirkeýdiń tizilimine №6831 bolyp engizildi.