Reseı halqy qansha?

Reseıdiń aqparat kózderi Statıstıka komıtetiniń 2010 jylǵy halyq sanaǵynyń keıbir qory­tyn­dylaryn aldyn-ala jarııala­ǵanyn habarlady. Máselen, Reseı halqynyń bú­gin­gi tańdaǵy jalpy sany 142 mıl­lıon 950 myń, biraq 2002 jyl­­ǵy sanaq­pen salystyrǵanda halyq­tyń jal­py esebi 1,6 paıyz azaıypty. Reseı halqynyń 8 paıyzy Máskeý qala­synda tura­dy, máskeýlikter sa­ny osy kezeń ishinde 10,9 paıyz ósip, 11 mıllıonnan asqan. Hal­qynyń sany jaǵynan Máskeýden keıingi qala – Sankt-Peterbýrg. Soń­ǵy sanaqtan beri munda da ósim bar, qazir bul qalada 4 mıllıonnan astam adam turady, bul búkil el halqynyń 3,4 paıyzy. Jınaqtaı kel­gende, re­seı­likterdiń 11 paıyz­dan astamy Más­keý men Sankt-Pe­terbýrgte tura­ty­ny belgili bolyp otyr. Qalada jáne seloda turatyn adam sany segiz jyl ishinde eleýli ózgeriske ushyramapty: burynǵy­synsha reseılikterdiń 73 paıyz­dan astamy qalalarda, 26 paı­yzdan astamy selolarda turady. Derek kózderi ótken sanaqpen sa­lystyra qaraǵanda halyq sany jy­nystyq quramy boıynsha da aı­tarlyqtaı ózgermegenin habar­laı­dy. Mysaly, 2002 jyly Reseı hal­qynyń 46 paıyzdan as­ta­my erkekter, 53 paıyzdan kóbi áıelder bolsa, 2010 jylǵy sanaq boıynsha er­kekterdiń úlesi – 46,3 paıyz, áıel­der­diń úlesi – 53,7 paı­yz. Bul bizben kórshi elde qa­zir 66 mıllıonnan astam er-aza­mat jáne 76 mıllıonnan artyq áı­el ómir súre­tinin kórsetedi. Serikqalı BAIMENShE,  «Egemen Qazaqstan» – Máskeýden.