Kún tártibinde – aqparattyq qaýipsizdik máselesi

Senatta Qazaqstan Respýblıkasynyń 2016 jylǵa deıingi aqparat­tyq qaýipsizdik tujyrymdamasyn iske asyrý qorytyndy­lary talqylandy. Sharaǵa senatorlar men múddeli memleket­tik organdardyń ókilderi qatysty, dep habarlady osy palatanyń baspasóz qyzmeti. Kezdesýdi ashqan Senat­tyń Halyqaralyq qatynastar, qor­ǵanys jáne qaýipsizdik komıteti­niń tóraıymy Darıǵa Nazarbaeva aqparattyq qaýipsizdik jalpy ulttyq qaýipsizdikti qamtamasyz etý júıesin damytýdaǵy uzaq merzimdi jáne basym baǵyttarynyń biri bolyp tabylatynyn atap ótti. Aqparat jáne kommýnıkasııa­lar vıse-mınıstri Alan Ájibaev depýtattardy tujyrymdamany iske asyrýdyń negizgi qorytyndy­lary týraly habardar etti. Atap aıtqanda, ol tehnologııa men tele­kommýnıkasııany damytýdyń ahýalyna, aqparattyq júıelerdiń qaýip­siz­digin qamtamasyz etýge, buqara­lyq aqparat quraldarynda otan­dyq ónimdi arttyrýǵa, sondaı-aq, nor­matıvtik-quqyqtyq negizderdi jetil­dirýge toqtaldy. Qorǵanys jáne aeroǵarysh ónerkásibi mınıstriniń orynbasary Dmıtrıı Golobýrda aqparat sala­syndaǵy mańyzdy qaýipterge qarsy mekemeniń is-qımyly jónin­degi aldaǵy josparlary týra­ly áńgimeledi. Talqylaýǵa senatorlar M.Al­tynbaev, N.Ábiqaev, I.Adyrbekov, S.Jaqsybekov, G.Kım qatysty. Pikirtalas barysynda aldaǵy kezeń­­de osy salany retteýge arnal­ǵan stra­tegııalyq qujattardy ázir­leý máseleleri kóterildi. Depý­tat­­tar aqparattyq qaýipsizdik sala­syn tehnologııalyq turǵyda jáne maman­darmen qamtamasyz etý, sondaı-aq osy máseledegi mekeme­ara­lyq ózara is-qımyldyń keıbir tustaryna nazar aýdardy. Kezdesý sońynda komıtet tór­aıymy D.Nazarbaeva talqylaý nátı­jesi boıynsha ázirlengen usy­nystardyń Úkimetke jiberi­letinin jáne zań shyǵarý jumys­tarynda eskeriletinin aıtty.