Ýkraına Prezıdentiniń marapaty

Parlament Májilisiniń depýtaty, «Qazaqstandaǵy ýk­raındyqtar» zańdy tulǵa­lar birlestigi keńesiniń tór­aǵasy Iýrıı Tımoshenko Ýk­raına prezıdenti Petr Po­ro­shenkonyń jarlyǵymen «Ýk­raına Táýelsizdigine – 25 jyl» medalimen marapat­taldy. Osyǵan oraı, atal­ǵan eldiń Qazaqstandaǵy elshi­liginde arnaıy jıyn ótip, Ýkraınanyń Qazaqstandaǵy ýaqytsha senimdi ókili Vla­dımır Djıdjora prezıdent amanatyn depýtatqa tabys etti. Dıplomatııalyq korpýs ókil­deri men Qazaqstandaǵy ýkraın dıas­porasynyń músheleri qa­­tys­qan saltanatty jıynda V.Djıd­jora Ýkraına Prezıdenti P.Po­ro­shen­konyń quttyqtaý hatyn oqyp, eki el arasyndaǵy yn­ty­maq­tastyq baılanys jóninde sóz sóıledi. «Men jýyrda ǵana óz elimiz­degi ekono­mıkalyq-saıası sala­da­ǵy jetekshi top ókil­derimen kez­de­sip, Qazaqstan men Ýkraına arasyn­daǵy áriptestikti odan saıyn tereń­detý jaıyn talqyladym. Osy kezge deıin birlesip qolǵa alyn­ǵan jumys, josparlarymyz­dy júzege asyrý jalǵasyn taba túsetin bolady. Osy oraıda, Ýk­raına Prezıdentiniń Iýrıı Tımo­shenkony marapattaýyn, Qazaq­stan­daǵy ýkraın dıasporasyna kórsetilgen qurmet retinde qabyldanǵanyn qup kóremin. О́ıtkeni, mundaı yqy­las-peıilder taraptardy ja­qyn­dastyra túsip, ulttar arasyndaǵy súıispenshilikti arttyrady», – dedi V. Djıdjora. О́z kezeginde Iý.Tımoshenko Ýk­raına Prezıdenti men senimdi ókilge zor rızashylyǵyn bildirip, eki el arasynda qalyptasqan saıa­sı-ekonomıkalyq baılanystyń ýaqyt ótken saıyn joǵary kór­set­kishterge ıe bolyp kele jatqan­dyǵyn atap kórsetti. «Men Qazaqstandaǵy jarty mıllıonǵa jýyq ýkraın ulty ókilderiniń atynan alǵysymdy bildiremin. Taǵdyr talaıy men túrli jaǵdaılarǵa dýshar bolyp, Qazaqstannan dám-tuz buıyrǵan ýkraındyqtar búgingi tańda eldiń damýy men ósip-órkendeýine shama-sharqynyń jetkeninshe úles qosýda. Tipti, sońǵy 5-6 jyl ishinde eki el arasyndaǵy baılanystar jańasha sıpat alyp, aýyz toltyryp aıtarlyqtaı jemisti jobalar júzege asyryla bastady. Atap aıtsam, «Qazaqstandaǵy ýkraındyqtar» zańdy tulǵalar birlestigi keńesiniń muryndyq bolýymen eldiń ár óńirlerinde birlesken kásiporyndar qyzmetke kiristi. Ásirese, gaz óndirisi men mashına jasaý, aýyl sharýa­shy­lyǵy salasymen qatar, sońǵy úlgi­degi noý-haý tehnıka-tehnolo­gııalar baǵyty boıynsha da tarap­tardyń áriptestik aıasy keń óris alyp keledi», – dedi Iý.Tımoshenko. Aıta keteıik, etno-mádenı birlestik retinde qyzmet kór­setetin ýkraın ulttyq orta­lyq­tarynda olardyń salt-dástúrleri nasıhattalyp, eki el arasyndaǵy mádenı-rýhanı qarym-qatynastyń jandanýyna septigin tıgizýde. Nurlybek DOSYBAI, «Egemen Qazaqstan» Sýretti túsirgen Erlan OMAROV, «Egemen Qazaqstan»