Semeıde bıyl «Qaraǵaıly» dep atalatyn jańa shaǵyn aýdannyń qurylysy bastalady, dep jazady «Habar 24».
Joba Shyǵys Qazaqstan oblysynyń ákimi Danıal Ahmetovke tanystyryldy. Osy jyly onda 10 shaqty kópqabatty turǵyn úı salý kózdelgen. Árbir nysanda mindetti túrde kólik turaǵy qarastyrylady. Sonymen qatar, jańa shaǵyn aýdanda áleýmettik nysandar da kóptep salynbaq. Solardyń biri - 5 myń adamǵa arnalǵan «Abaı Arena» demalys jáne sport kesheni.
«1 jyldan keıin osy qalanyń 300 jyldyq toıy bolady. Sol sebepten Elbasy, Prezıdenttiń tapsyrmasy boıynsha biz birsypyra jańalyqty osy elge, osy qalaǵa ákelemiz dep otyrmyz. Abattandyrý jumysyn kórdińiz be, jaqsy bolady. Sodan keıin jol jóndeý jumysy, oǵan da qosymsha 1 mıllıard berdik. Abattandyrý jumysyna jarty mıllıard qosaıyn dep jatyrmyz», - deıdi Shyǵys Qazaqstan oblysynyń ákimi Danıal Ahmetov.