Ámirliktermen áriptestigimiz artady

Jaqynda Premer-Mınıstrdiń birinshi orynbasary Asqar Mamın Birikken Arab Ámirlikteriniń Vıse-premeri men BAÁ Prezıdenti isteri jónindegi mınıstri sheıh Mansur ben Zaıd Ál Nahaıanmen kelissóz júrgizdi, dep habarlady Premer-Mınıstrdiń baspasóz qyzmeti. Kelissóz barysynda Qazaqstan Prezıdenti Nursultan Nazarbaevtyń BAÁ-ge 15-16 qańtardaǵy resmı sapary barysynda qol jetkizilgen joǵa­ry deń­geıdegi ýaǵdalas­tyq­tardy is júzine asyrýdyń joldary qarastyryldy. Taraptar energetıka, mu­naı-hımııa, atom óner­kásibi, kólik jáne logıstı­ka, áskerı-tehnıkalyq sala­lar­daǵy ortaq jobalardy damytýǵa daıyn ekenderin rastady. «Báıterek» holdıngi men «Mubadala Develop­ment Company PJSC» Qazaq­stan aýmaǵy men ózge kór­shi elderdiń basym na­ryq­taryndaǵy ınfra­qu­ry­lymdyq jáne ózge de jobalardy birlesip qarjy­landyrý úshin jaqyn arada ózara ınvestısııalyq platforma qurýǵa kelisti. Qazaqstan men BAÁ-niń energetıka mınıstrlikteri Qazaqstanda munaı-gaz-hımııa kesheni qurylysynyń jo­basyna taraptardyń qa­ty­­sý múmkindigin tal­qy­lady. «Qazaqstan temir jo­ly» ulttyq kompanııa­sy men «Etihad Rail» ult­tyq temir jol kompanııa­sy BAÁ men úshinshi elder­de bir­les­ken ınfraqu­ry­lym­dyq jo­balardy júze­ge asy­rý má­selelerin tal­qy­lady. BAÁ atom energııasy jónindegi korporasııa­sy «Qazatomónerkásip» UAK»-pen ıadrolyq energııany beıbit maqsatta paıdalaný salasynda ekijaqty qarym-qatynasty damytýǵa nıet bildirdi. Ámirlik taraby Qazaq­stan Respýblıkasy Qarýly Kúsh­teri áskerı oqý-jatty­ǵý ortalyqtarynyń ınfra­qu­rylym nysandaryn ın­ves­­tısııalaý máselesin qa­­ra­­s­tyrýǵa múddelilik ta­nyt­ty. Ámirlik tarapynan ke­lis­sózderge Energetıka mı­nıstri Sýheıl Muhammed ál-Mazrýı, Ábý-Dabı Atqa­rýshy keńesiniń múshesi, «Mý­badala Development» kom­pa­nııasynyń bas atqarý­shy dırektory, BAÁ atom ener­gııasy jónindegi korpo­ra­sııasynyń basqarma basshysy Haldýn Halıfa ál-Mú­bárak, Ábý-Dabı qala­synyń meri, «Etihad Rail» ulttyq temir jol kompa­nııasy dırektorlar keńe­siniń tóraǵasy, ınjener Aýd Mýrshıd ál-Mýrýr, Syrt­qy ister mınıstriniń qaýip­sizdik jáne qorǵanys máse­leleri jónindegi orynbasary Farıs ál-Mazrýı jáne BAÁ-niń Qazaqstandaǵy el­shisi Muhammed ál-Djaber qa­tysty. Kezdesýge Qazaqstan tara­pynan Energetıka mı­nıstri Q.Bozymbaev, Qor­ǵanys jáne aeroǵarysh óner­kásibi mınıstri B.Atam­qulov, «Qazaqstan temir joly» UK» AQ basqarma tóraǵasy Q. Alpysbaev, «Báıterek» UBH» AQ bas­qarma tóraǵasy E.Dosaev, «Qaz­atomónerkásip» UAK» AQ basqarma tóra­ǵasy A.Jumaǵalıev jáne Qazaq­stan­nyń BAÁ-degi elshisi Q.Lama Shárip qatysty.