Astanada eki avtobýs baǵdarynyń qozǵalys syzbanusqasy ózgerdi, dep habarlaıdy qala ákimdiginiń saıty. Elordalyq Jolaýshylar tasymaly basqarmasynyń habarlaýynsha, qalanyń baǵdarlyq jelisin ońtaılandyrý aıasynda 2017 jyldyń 23 qańtarynan bastap № 29 jáne № 76 baǵdarlardyń qozǵalys syzbanusqasyna kelesideı ishinara ózgerister engiziletin bolady.
№29-baǵdar sońǵy «Darhan» balabaqshasy aıaldamasynan - «Astana-Qaraǵandy tas joly» aıaldamasyna deıin ózgerissiz, ári qaraı Tólebaev kóshesine burylmaı, Abylaı han dańǵylynyń boıymen júredi. Keri baǵytta ózgerissiz.
№76-baǵdardyń qozǵalysyna kelesideı ózgerister engizildi: Sońǵy «Azamat» shaǵyn-marketi aıaldamasynan - «Balqantaý kóshesi» aıaldamasyna deıin ózgerissiz, ári qaraı baǵdar Balqantaý kóshesine burylmaı, Aınakól kóshesiniń boıymen júredi. Keri baǵytta sońǵy «Rıta» dúkeni aıaldamasynan - «Mereke» SÚ aıaldamasyna deıin ózgerissiz, ári qaraı Balqantaý kóshesine kirmeı, Aınakól kóshesiniń boıymen júredi.