Shymkenttiń «Ordabasy» fýtbol komandasy «Astananyń» burynǵy kapıtany Tańat Nóserbaevpen kelisimshartqa otyrdy. Bul týraly vesti.kz habarlady.
Aıta keterligi, forvard dál osy Shymkenttiń mektebinen túlep shyǵyp, kásibı mansabyn farm-komandasynan bastaǵan.
Ol 2011 jyldan bastap aldymen Qazaqstan premer-lıgasyndaǵy «Lokomatıv» komandasynda oınap, artynsha «Astanaǵa» aýysqan. 2013 jyly elordalyqtardyń kapıtany qyzmetin atqardy. «Astananyń» sapynda úsh dúrkin el chempıony atanyp, bir ret Qazaqstan Kýbogyna qol jetkizgen. Sonymen qatar, óz komandasyn Chempıondar lıgasy men Eýropa lıgasynyń toptyq kezeńine ótýine septigin tıgizgen.
2016 jyldyń aqpan aıynda jańadan úshjyldyq kelisimshartqa qol qoıǵan, alaıda ótken aıda otbasylyq jaǵdaıyna baılanysty óz erkimen klýbtan ketti. Búginge deıin sińirgen eńbegi úshin ujym basshylyǵy bul sheshimine esh bóget bolmady. Munda ol 152 matchqa qatysyp, 46 goldyń avtory atanǵan.
Al «Ordabasymen» birjyldyq kelisimge keldi.