TMD-nyń 9 elinen 420 baıqaýshy qatysady

Keshe Ortalyq saılaý komıssııasynyń tóraǵasy Qýandyq Turǵanqulov pen TMD Atqarýshy komıtetiniń tóraǵasy Sergeı Lebedevtiń kezdesýi boldy. Kezdesýde taraptar Qazaq­stan­da­ǵy kezekten tys prezıdenttik saılaý naýqanyna baıla­nys­ty áńgimelesti. OSK tóraǵasynyń atap ótýi­n­she, TMD-nyń baıqaýshylar mıssııasy Qazaqstanda eki aptadan beri jumys istep jatyr. Prezıdenttik saılaý ádil jáne ashyq ótýi tıis. Eki aıǵa jýyq ýaqyttan beri saılaýshylar tizimi naqtylanyp jatyr. Sondaı-aq OSK oblystyq saılaý komıssııasynyń tóraǵalary men hatshylarynyń basyn qosqan respýblıkalyq semınar-keńes ótkizdi. Qazirgi kezde ýchaskelik saılaý komıssııalarynyń múshe­lerin oqytý máresine jetti. Prezıdenttikke kandıdattar saı­laýal­dy úgit jumystaryn júr­gizý barysynda BAQ-tarda teńdeı múmkindikti paıdalanýda. «Las» tehnologııalardy paıdalaný áreketteri kezdesken joq. Al TMD Atqarýshy komı­te­tiniń tóraǵasy Sergeı Lebedevtiń pikirinshe, TMD elderindegi saılaýlar demokratııalyq jaǵdaıda ótip keledi. Bul jóninen Qazaq­stan aldyńǵy orynda tur. Kezekten tys prezıdenttik saılaý ashyq jáne óz deńgeıinde óteti­nine qazirdiń ózinde kóz jetip otyr. Sondaı-aq, ol TMD baı­qaýshylary saılaý úderisterin baqylaýǵa belsene qatyna­sa­tynyn atap ótti. Onyń málim etkenindeı, prezıdenttik saılaýǵa TMD mıssııasynan toǵyz mem­lekettiń 420 baıqaýshysy kelip otyr.