Zań belgili bir eldiń halqyna qyzmet etip, alańsyz ómir súrýi úshin joǵary turǵan organdardan bekitilip shyǵarylady. Ol zańdy buljytpaı oryndaý – árbir azamat pen azamatshanyń boryshy. Biraq sońǵy birneshe jylda paıdalanylǵan elektr qýaty men baılanys quny tym qymbattap ketti. Ony qymbattatatyndardyń qandaı zańǵa arqa súıeıtinderi taǵy beımálim.
Máselen, Aqseńgir aýylynda 100 telefon núktesi men 750 otbasy bar desek, ony paıdalanǵany úshin tólem ár aı saıyn 42 500-85 000 teńge, jylyna 510 000-1 020 000 teńge bolady eken. Al aýdan, oblys, memleket kóleminde ǵaryshtyq soma shyǵatyny taǵy anyq. Ústeme teńge alý tásili bankke aqsha salsań da qoldanylady. Al bankten kredıt alsań, ósimniń kókesin kóresiń. Men bir jyldyq merzimmen 500 000 teńge alyp edim, aıyna 54 600 teńge tóleımin. Sonda bir jylda 655 200 teńge tóleıdi ekenmin. Qalta qaǵar osyndaı mólsherleme tásilderi ádil me? Qoǵam isiniń bári adam úshin jasalýy tıis emes pe?
Árbir oblys ákimi, ár mınıstr nemese qolynda bıligi barlar qalta qaǵarlyq sheshimder shyǵara berse, «zańda tarmaq kóp bolsa, paraǵa qarmaq kóp bolady» degendeı, jemqorlyq túri de kóbeıeri aıan.
Biraq mynanyń izdegeni ósek, oılaıtyny esep eken demeńizder! Bul qaltalyǵa kúlki bolsa da, qaltasyzdardyń múlki bolary haq. «Aqıqat adamǵa jaqpaǵanmen Allaǵa jaǵady» degendeı, tıisti mekemeler men uıymdar, bılik oryndary adam men onyń bolashaǵy úshin qyzmet etse eken degen tilek, usynysym bar.
О́keı ÚRIMHANULY
Almaty oblysy,
Jambyl aýdany