Qazaqstan Respýblıkasy Ulttyq Bankiniń resmı habary

Almaty                       2011 jylǵy  5 sáýir «Aýyr atletıka. Olımpıada oıyndary 2012» eskertkish monetasyn aınalysqa shyǵarý týraly «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155  Za­ńyna sáıkes Qazaqstan Respýblıkasynyń Ulttyq Banki  2011 jylǵy  5 sáýirde «pro­of» sapasymen nomınaly 100 teńgelik «Aý­yr atletıka. Olımpıada oıyndary 2012» eskertkish kúmis monetasyn aına­lys­qa shyǵarady. Monetanyń sıpattamasy: Monetanyń bet jaǵynda (aversinde) tómengi bóliginde Qazaqstan Respýblı­ka­sy­nyń eltańbasy stıldendirilgen stadıon sýretimen qorshaı  beınelengen, moneta daıyndalǵan metaldy, onyń synamyn jáne massasyn bildiretin «Ag 925 31,1g.» degen jazý jáne soǵylǵan jylyn bildiretin «2010» degen san.  Sol jaq bóliginde eki jolǵa ornalasqan jáne monetanyń no­mı­nalyn bildiretin «100 TEŃGE» degen ja­zý bar. Joǵary bóliginde Qazaqstan Res­pýblıkasy Ulttyq Bankiniń logotıpi or­na­lasqan. Aınaldyra memlekettik tilde «QA­ZAQSTAN ULTTYQ BANKI» degen jazý. Monetanyń syrt jaǵynda (reversinde) ortalyq bólikte aýyr atletıka boıynsha saıys ústindegi shtanga kóterýshi beınelengen. Sol jaq bóliginde Olımpıada oı­yn­dary ótkiziletin jyldy bildiretin  «2012» sany jazylǵan. Aınaldyra aǵyl­shyn tilinde «OLYMPIC GAMES» degen jazý jazylǵan. Monetanyń bet jaǵyndaǵy jáne syrt jaǵyndaǵy beıneler men jazbalar bederlengen. Qyry (gýrty) bederli. Moneta  925 synamdy kúmisten daıyn­dal­ǵan, massasy – 31,1 gramm, dıametri – 38,61 mm, daıyndalý sapasy – «proof», eń kóp taralymy  - 12 myń dana. Nomınaly 100 teńgelik eskertkish kúmis monetalar Qazaqstan Respýblıkasynyń bú­kil aýmaǵynda kórsetilgen qunymen tó­lem­niń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý jáne aýdarym jasaý úshin qa­byl­danýǵa mindetti, Qazaqstan Respýblı­ka­sy­nyń barlyq bankterinde shekteýsiz usaq­tala­dy jáne aıyrbastalady. Qazaqstan Respýblıkasy Ulttyq Bankiniń osy resmı habarǵa túsiniktemesi «Aýyr atletıka. Olımpıada oıyndary 2012»  eskertkish kúmis monetasy Qazaq­stan Respýblıkasynyń Ulttyq Banki, MDM MUNZHANDELSGESELLSCHAFT MbH DEUTSCNE MUNZE kompanııasy jáne «Qazaqstan Respýblıkasy Ulttyq Bankiniń Qazaqstan teńge saraıy» sharýa­shy­lyq júrgizý quqyǵy bar respýblı­ka­lyq memlekettik kásiporny arasyndaǵy Monetalar shyǵarýǵa jáne satýǵa arnal­ǵan kelisimge sáıkes daıyndaldy. Osy Kelisim boıynsha: - MDM MUNZHANDELSGE­SELLS­CHAFT MbH DEUTSCNE MUNZE kompa­nııasy Qazaqstannan tys jerlerde odan ári taratý nemese satý úshin Ulttyq Bankten tıisti monetalardy satyp alady; - Qazaqstan teńge saraıy monetalardy daıyndaıdy jáne olardy jetkizedi; - daıyndalǵan monetalardyń bir bóli­gin (3000 dana) kolleksııalyq quny boı­yn­sha Qazaqstannyń ishki naryǵynda satý úshin Ulttyq Bank rezervteıdi. Moneta 2012 jylǵy Olımpıada oıyn­daryna arnalǵan, sportty dáripteıdi jáne ulttyq valıýtany shetelge tanystyrady. Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqy­ǵy bar respýblıkalyq memlekettik kásip­orny daıyndaǵan. Monetalardyń dızaıny Qazaqstan Res­pýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi – ulttyq valıýta banknottary men monetalary dızaı­ny­nyń tujyrymdamasyna sáıkes ázirlengen. «Proof» sapasymen jasalǵan eskertkish kúmis monetalar kolleksııalyq quny boı­yn­sha satýǵa arnalǵan. Olar kádesyılyq oraýmen shyǵarylady jáne Qazaqstan Res­pýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. Monetalardy Qazaqstan Respýblıkasy Ulttyq Bankiniń barlyq fılıaldarynda, Almaty qalasynda myna meken-jaı boı­yn­sha  satyp alýǵa bolady: Panfılov kó­she­si, 98. Anyqtama úshin telefony (727) 273-83-98.