Halyq óz tańdaýyn jasady

Sonymen, kópten kútken prezıdenttik saılaý da óz máresine jetti. Respýblıka jurtshylyǵy sekildi Soltústik Qazaqstan ob­ly­synyń turǵyndary da kezekten tys saıası naýqanda aıqyn ba­symdylyqpen uzap shyqqan El­basy N. Nazarbaevtyń saıası je­ńisine qoldaý kórsetý maqsatymen Petropavl qalasyndaǵy ortalyq alańǵa jınaldy. Alańǵa kel­gen­derdiń qaı-qaısysy bolsyn Ult Kóshbasshysy úshin daýys bergenin mártebe tutatyndaryn ja­syr­mady. Mıtıngte birinshi bolyp sóz alǵan aımaq basshysy, «Nur Otan» HDP oblystyq fılıa­ly­nyń tóraǵasy Serik Bilálov sol­tústikqazaqstandyqtardyń tań­daý­d­an qatelespegenin, óıtkeni táý­elsizdik alǵannan bergi 20 jyl­dy Prezıdentsiz kózge elestetý múmkin emestigin alǵa tarta kelip, álem moıyndaǵan tulǵaly saıasatker budan bylaıǵy kúsh-jigerin, qarym-qabiletin Qazaq­stan halqyna arnaı beretinin atap kórsetti. Búgingideı aıryq­sha tarıhı sát árqaısymyzǵa úlken jaýapkershilik pen mindet júkteıtinin umytpaıyq, dedi Serik Sultanǵazyuly. Odan keıingi sóz Soltústik Qa­zaqstan oblysynyń qurmetti aza­maty Anatolıı Spısynǵa berildi. Máskeýlik qonaq shırek ǵasyr­ǵa jýyq Qyzyljar óńirinde bas­shylyq qyzmetter atqarǵan. Eli­miz­diń basshysymen de istes bol­ǵan. Ol Reseı tarapynan baı­qaý­shy bolyp qatysqanyn, Elbasy­nyń bedel-qurmetine degen rııa­syz sezimin jasyra almady. N. Nazarbaev halyqtyń ál-aýqatyn, turmysyn jaqsartýda irgeli re­for­malyq qadamdar jasaǵanyn, alda da osy baǵytta kóp is sharalar tyndyrylatynyna senetinin atap ótti. Oblystyq saılaý ko­mıssııasy tóraǵasynyń orynba­sa­ry Grıgorıı Kýhar Joldaýdan týyndaıtyn talaptardy oryn­daý­daǵy soltústikqazaq­standyqtar­dyń úlken belsendiligine toqtal­sa, qalalyq máslıhattyń depýta­ty Jankeldi Tájın osy saılaýda ulttar men ulystardyń biraýyz­dylyǵy, birligi men yntymaǵy saltanat qurǵanyn jetkizdi. Ob­lystyq kásipodaqtar keńesiniń tóraıymy Jamal Ahmetova, «Leontev» JShS-niń dırektory, oblystyq máslıhattyń depýtaty Sergeı Leontev, kardıologııa­lyq ortalyq dırektorynyń or­yn­basary Beıbit Mustafına, akademık M. Qozybaev atyndaǵy SQMÝ-diń stýdenti Elena Kosenkova óz sózderinde bolashaqqa degen senimderin osy saılaý odan ári jigerlendire túsetinderin má­limdedi. Mıtıng sońy jergilikti kór­kem­ónerpazdardyń konsertine, án-dýmanǵa ulasty. Qazirdiń ózinde Soltústik Qa­zaq­stan oblysy boıynsha daýys berýdiń aldyn-ala qorytyn­dy­la­ry belgili boldy. Saılaýshy­lar­dyń 92,3 paıyzy saılaý ýchas­kelerine kelip, «Nur Otan» HDP aty­nan prezıdenttikke úm­it­k­er retinde usynylǵan Nur­sul­tan Ábish­uly Nazarbaevtyń kandıdatýrasy úlken qoldaýǵa ıe boldy. О́mir ESQALI, Soltústik Qazaqstan oblysy.